Нийслэлийн сургууль цэцэрлэгүүд хичээлийн шинэ жилийн бэлтгэл ажлыг хэрхэн хангагдаж байгаа талаар нийслэлийн Мэргэжлийн хяналтын газраас  шалгасан байна.

 Энэхүү шалгалтын талаар нийслэлийн Мэргэжлийн хяналтын газрын  ЭМБСХХ-ийн дарга  Г.Батмөнхөөс дараах зүйлийг тодрууллаа.

- Шалгалтанд хичнээн сургууль цэцэрлэг хамрагдсан вэ?

- Газрын даргын тушаалаар   дагуу сургууль цэцэрлэгүүд шалгалтыг явуулж байгаа. Одоогийн байдлаар ерөнхий боловсролын  36 сургууль, 43 цэцэрлэг, зургаан оюутны байр хамрагдсан байгаа.  Хичээлийн шинэ жил эхлэхэд долоон хоног хүрэхгүй хугацаа үлдсэн энэ үед засварын ажлаа хийж, дуусаагүй, бүр эхлээгүй сургууль, цэцэрлэгүүд нэлээдгүй байна. Тухайлбал, Баянгол дүүргийн 20, 40 дүгээр сургуулийн дээврийн засвар. Сүхбаатар дүүргийн 31, 25 сургууль, 29,159 дүгээр цэцэрлэгийн засвар ажил эхлээгүй байна. Мөн Чингэлтэй дүүргийн 103, 74, 173 дугаар цэцэрлэгүүдийн бохирын шугамын засвар, гадна талбайн тохижилт эхлээгүй байгаа бол 39 дүгээр сургуулийн тендер зарлагдаагүй байж байна.  Мөн Хан-Уул дүүргийн 34, 75 сургууль, 12, 27, 46, 53, 72 дугаар цэцэрлэгийн цахилгаан сантехникийн засвар эхлээгүй байжээ. Сонгинохайрхан дүүргийн 81дүгээр цэцэрлэг төсөв байхгүй учир засвар хийгээгүй бол 62 дугаар сургуулийн дээврийн засвар эхлээгүй байна. Иймээс есдүгээр сарын 1-нд амжих асуудал нэлээд хүндрэлтэй байна.

- Тендер нь одоо  зарлагдах хэчнээн сургууль байна вэ?

- Одоогийн байдлаар Баянзүрх дүүргийн “Шавь” цогцолбор сургууль, “Баянзүрх” цогцолбор сургуулийн биеийн тамирын заалны засвар, тохижилтын ажлыг хийж гүйцэтгэх тендерийг дөнгөж зарлаад буй аж. Сургууль, цэцэрлэгийн засварын ажлын тендер зарлагдаагүй, дөнгөж зарлагдаж байгаа зэрэг нь өмнө авсан тендерүүд буцсан, тендерийн маргаан гарсан гэх мэт асуудал үүссэнээс болсон. Манай зүгээс Төрийн хяналт шалгалтын тухай хууль болон бусад хуулийнхаа дагуу хичээлийн шинэ жил эхлэхэд завсарын ажлаа бүрэн дуусгасан байх ёстой гэсэн шаардлага тавьж байгаа. Хэрэв засвар үйлчилгээ дуушрах шалтгаан нөхцөл байгаа бол түүнийгээ тодорхой гаргаж өгөх  албан шаардлага өгсөн.  

-Засвар үйлчилгээ хийгдэж байгаа сургуулиуд хугацаанд орж, амжихгүй бол ямар арга хэмжээ авах вэ?

-Мэргэжлийн хяналтын байгууллагаас холбогдох хууль, журмынхаа дагуу албан шаардлагыг өгч ажиллана.  

-Ашиглаж болохгүй гэж акталсан цэцэрлэгүүд бүртгэлийг явуулж  байна гэсэн зүйл яригдаж байгаа. Үүнд хяналт тавьж байгаа юу?

-Энэ шалгалтаар үйл ажиллагаа явуулах болон хөрөнгө оруулалт хийгдсэн газруудад шалгалт явуулсан байгаа.  Одоогийн байдлаар ашиглах болохгүй гэсэн акет Чингэлтэй дүүргийн 18 дугаар цэцэрлэг байгаа. Энэ цэцэрлэгийн  хуучин барилгыг буулгаж, шинээр барих  ажил  энэ он хийгдэнэ.

-Завсар үйчилгээ нь дууссан хэчнээн сургууль цэцэрлэг байна вэ?

-Дээрх нэр дурьдсан газруудаас сусад сургууль цэцэрлэгийн завсар дууссан байгаа. Тухайлбал,  Чингэлтэй дүүргийн 49 дүгээр сургуулийн завсар 90 хувьтай явагдаж байна. Нийслэийн хэмжээнд үйл ажиллагаа явуулж байгаа сургуулийн 70 орчим нь засвар үйлчилгээн бүрэн хийгдсэн байгаа.

-Шалгалтанд хамрагдсан 80 орчим сургуулийн  цэцэрлэгийн гадна талбайд барилга байгууламж баригдсан тохиолдол хэр байна вэ?

-Энэхүү шалгалт хийсэн газруудын гадна талбай дээр барилга байгууламж баригдсан тохиолдол илрээгүй байна.

-Ер нь сургуулийн цэцэрлэгийн талбай дээр барилга байгууламж баригдсан тохиолдол нийслэлийн хэмжээнд  хэдэн байна вэ?

- Сургууль цэцэрлэгийн талбай дээр  барилга байгууламж барихгүй байх гэсэн  захирамжийг нийслэлээс гаргасан  байгаа. Өнгөрсөн он арав гаруй сургуулийн цэцэрлэгийн хашаанд барилга тулгаж барьсан асуудал гарсан. Үүнийг хуулийн дагуу шийдвэрлэгдсэн байгаа.

 Д.Ундрах /24tsag.mn/