Нийслэлд төрийн өмчийн 178, төрийн бус өмчийн 250 цэцэрлэгт 75579 хүүхэд хамрагдаж байгаагийн 79% нь төрийн өмчийн цэцэрлэгт хамрагдаж байгаа ч цэцэрлэг, сургуулийн байгууллагын барилгын хүчин чадал нь нийслэлийн хүн амын өсөлтийн хурдыг гүйцэхгүй байгаагаас эцэг эх, иргэд, олон нийт болон цэцэрлэг улмаар боловсролын байгууллагын хооронд үл ойлголцол үүсгэж байгааг та бүгд мэдэж байгаа. Нийгмийн зайлшгүй эрэлт хэрэгцээнээс үүдэн цэцэрлэгүүд хүчин чадлаа хэтрүүлэн ажиллаж байгаа ч тулгамдсан асуудлыг бүрэн шийдвэрлэж чадахгүй байгаа нь цэцэрлэг, сургуулиудад хүүхэд элсүүлэх, бүртгэл хийхэд хүндрэлтэй болоод байна.
Тиймээс энэ асуудлыг шийдвэрлэж нэг ч гэсэн хүүхдийг харьяа хорооных нь цэцэрлэг, сургуулиудад оруулах үүднээс ШӨХТГ-аас нэгдсэн хяналт шалгалтыг хийж эхлээд байгаа бөгөөд оршин суугаа харьяаныхаа цэцэрлэг, сургуульд бүртгүүлж чадаагүй эцэг эхчүүд тус газрын 1800-1284 утсанд хандаж гомдлоо гаргаж болохыг зөвлөж байна.