Баянгол дүүргийн “Усан спорт сургалтын төв”-ийн нээлт өнгөрсөн баасан гаригт боллоо. Энэхүү усан спорт сургалтын төвийн  нээлтэнд Хүн  ам нийгмийн хамгааллын сайд  С.Эрдэнэ, Баянгол дүүргийн Засаг дарга н.Оросоо,  бусад албаны хүмүүс болон тус дүүргийн хүүхэд залуучууд ч олноор хүрэлцэн ирсэн байсан. Уг “Усан спорт сургалтын төв”-ийг үйл ажиллагаа нээж Хүн  ам нийгмийн хамгааллын сайд  С.Эрдэнэ үг хэлсэн юм. Тэрээр хэлэхдээ “Хүүхэд залуучуудын чөлөөт цагийг зөв боловсон өнгөрөөх боломжийг нээж өгч байгаараа онцлогтой. Өнгөрсөн 2011 онд нийслэлийн долоон дүүрэгт усан спортын сургалтын төв байгуулахыг санаачилсан. Үүний хүрээнд  долоон дүүрэгт усан спортын төвийг байгуулахар болсон. Нийслэлийн долоон дүүрэгт барих усан спорт сургалтын төвийг  нийтдээ 14 тэрбум төгрөгөөр барьж ашиглалтанд оруулсан байгаа. Эдгээр долоон дүүргээс хамгийн сүүлд Баянгол дүүргийн “Усан спортын сургалтын төв” ашиглалтанд орж байна. Удахгүй 40 дүгээр сургууль дээр спорт цогцолборыг барьж ашиглалтанд оруулахаар  ажлын эхлүүлсэн байгаа” гэдгийг онцолсон юм. Энэхүү усан бассейн хүүхэд залуучуудын чөлөөт цагаа зөв боловсон өнгөрүүлэх мөн бие балдарын хөгжүүлэх зорилготойгоор үйл ажиллагаа явуулах юм байна. Уг усан бассейныг 1.4 тэрбум төгрөгөөр барьж байгуулж байгаа аж.  Баянгол дүүргийн “Усан спортын төв”-ийг өнгөрсөн гуравдугаар сараас туршилтаар ажлуулж байсан байна. Туршилтаар ажиллаж байх хугацаандаа  мянга гаруй хүүхэд хичээлж байсан аж. Тус усан бассейн хүчин чадлын  хувьд урт нь 25 метрийн урттай, 1.8-2.2 метр гүн бөгөөд нэг ээлжиндээ 25-30 хүн хүлээн авах хүчин чадалтай аж. Усан  бассейнээс гадна15-20 хүний багтаамжтай фитнеесс клуб болон чийрэгжүүлэх эрүүлжүүлэх өрөөтэй юм байна. Тус чийрэгжүүлэлт, эрүүлжүүлэх өрөө нь нэг ээлжиндээ 3-6 хүнд үйлчлэх саунтай юм байна. Мөн цагт 20-25 хүний хүчин чадалтай. Уг усан сан 6х25 метрийн багтаамжтай замтай. Нэг зам дээр 10-12 хүүхэд сэлэх боломжтой. Харин том хүн  8-10 хүн сэлэх хүчин чадалтай юм байна. Энэхүү усан бассейн бусад бассейны адил өглөө 08.00 цагаас оройны 21.00 хүртэл ажиллана. Төлбөрийн хувьд боломжийн том хүн 90 мянган хүүхэд 66 мянган төгрөг байгаа. Долоон хоногийн таван өдөрт нь хичээл сургалт явагдана. Харин амралтын өдөр болох бямба ням гаригт  чөлөөлт сэлт явагдана. Энэхүү усан бассейн нэг ахлах дасгалжуулагч, дөрвөн багш, хоёр эмч  гэх мэт  нийтдээ 28 хүний бүрэлдэхүүнтэй үйл ажиллагаа явуулах юм байна.