ЦЕГ Лицензийн төвийн үйл ажиллаагатай холбоотой зарим асуудлаар Лицензийн төвийн ахлах мэргэжилтэн, цагдаагийн хошууч Н.Ганбатаас зарим зүйлийг тодрууллаа.

-ЦЕГ Лицензийн төвийн нээлт болж байна. Иргэдийн хувьд Лицензийн төвийн талаарх ойлгот муу байх шиг байна?

-Лицензийн төв шинэ байранд нүүж орсонтой холбогдуулан иргэдэд зориулж өдөрлөг зохиож байна. Өдөрлөгийн хүрээнд бид жолоодох эрхээ хуульд заасан хугацаагаар хасуулаад, уг хугацаа нь дууссан иргэдийг бид шалгалтанд хамруулж тэнцсэн тохиолдолд үнэмлэхийг нь олгуулах үйл ажиллагааг зохион байгуулж байна.

-Дахин жолооны үнэмлэх гаргуулж байгаа иргэдийн үнэмлэхийг өдөртөө гаргах уу?

-Өдөрт нь гаргана. Шалгалтын хувьд хоёр үе шатттай явагдана. 11.00, 14.00 цагт явагдсан. Тэнцсэн хүмүүс үнэмлэхээ авах гээд шалгалт өгсөн зааландаа хүлээгээд сууж байна.

-Хуучин байрандаа танай төв үйл ажиллагаагаа явуулдаг байхдаа юугаараа өөр байсан бэ?

-Хуучин байрандаа үйл ажиллагаагаа явуулдаг байхдаа долоо хоногийн мягмар, пүрэв гарагуудад хаяж гээсэн үнэмлэхний материалыг хүлээж авдаг байсан. Шинэ байранд үйл ажиллагаагаа явуулж эхэлсэнтэй холбогдуулж хүн хүч заал, боломжоо хараад долоо хоногийн ажлын бүх өдрүүдэд хаясан гээсэн материалыг хүлээж авдаг болж байгаа. Улмаар өдөр харгалзахгүй хэвлэлтээс гарсан үнэмлэхүүдийг тарааж өгнө.

Шинэ байрны үйлчилгээний заал харьцангуй техник технологийн стандартад нийцсэн, орчин үеийн шинэлэг үйлчилгээтэй байгаа.

-Үнэмлэхээ хаяж, үрэгдүүлсэн иргэдийн хувьд өнөөдөртөө багтаад гаргуулах боломжтой юу?

-Иргэд материалаа бүрдүүлээд өгдөгөөрөө өгч, авах ёстой өдрөө л авна. Үнэмлэх хэвлэх үйл ажиллагаа багагүй цаг хугацааг авдаг. Ажиллагаа ихтэй. Хаяж, гээсэн иргэдийн тухайд авах ёстой өдрөө л авна.

Гол нь үйлчлүүлж байгаа иргэдэд чирэгдэл учруулах нь бага. Орчин нөхцлийг нь сайжруулсан. Хоёрдугаар үйлчилгээ үзүүлж байгаа иргэд цагдаагийн алба хаагч нар өөрсдөө цагдаагийн үйл ажиллагааны код журам стандартад нийцсэн үйлчилгээний байгууллагад нийцсэн.

-Лицензийн төвөөр жолооны үнэмлэхээс гадна ямар үйлчилгээ авч болох уу?

-Жолоодох үйл ажиллагаа, жолооны үнэмлэхтэй холбогдолтой бүх төрлийн үйл ажиллагаа, тусгай дуут дохио, аюултай ачаа, тэсэрч дэлбэрэх бодис тээвэрлэх, галт зэвсгийн зарим төрлийн зөвшөөрлийг манайг өгнө. Үндсэндээ дөрвөн төрлийн үйл ажиллагааг эрхэлж зохион байгуулж байна.

Д.Ундрах /24tsag.mn/