Баян-Өлгий аймгийн Өлгий сумын зургаадугаар сургуулийн дотуур байрны хүүхдүүд хоолны хордлого авч эмнэлэгт эмчлүүлж байгаа талаар бид мэдээлсэн. Улмаар  Баян-Өлгий аймгийн Мэргэжлийн хяналтын газрын холбогдох улсын байцаагч нар хоолны хордлогын сэжигтэй тохиолдлын голомт болон аймгийн Нэгдсэн эмнэлгийн чих, хамар хоолойн тасагт хэвтэн эмчлүүлж буй хүүхдүүдийн бие, эмнэлгийн Яаралтай тусламжийн бэлэн байдал, эм, эмнэлгийн хэрэгслийн нөөц, тасгийн ерөнхий ариун цэвэр, халдвар хамгааллын дэглэмийн байдалд хяналт шалгалт хийсэн байгаа. Мөн өчигдөр эмч нар хамтарсан үзлэг хийн 24 хүүхдийг эмнэлгээс гаргаж, дотуур байрны эмчийн хяналтанд шилжүүлсэн бол өнөөдрийн байдлаар эмнэлэгт эмчлүүлж байгаа 24 хүүхдийн  15 нь 2-3 төрлийн зовиуртай, бусад нь хэвийн байгаа аж.