Монголын Үндэсний Худалдаа Аж Үйлдвэрийн Танхим нь Нийслэлийн Засаг Даргын Тамгын Газартай хамтран УЛААНБААТАР ТҮНШЛЭЛ 2014 Намрын Олон Улсын үзэсгэлэн яармагийг энэ онд 19 дэх удаагаа зохион байгуулж байна. Ивээн тэтгэгчээр Green city ХХК, Мэдээллийн ивээн тэтгэгчээр Mass Media групп хамтран ажиллана. Энэ удаагийн үзэсгэлэнгийн хугацаанд Ази Худалдааг Дэмжих Форумын гишүүн орнуудын удирдагуудын Дээд хэмжээний 27 дугаар ээлжит хуралдаан болж байгаатай холбогдуулан гишүүн орнуудаас Малайзи Улс, БНСУ, Тайваниас оролцож өөрийн бүтээгдэхүүн, үйлчилгээгээ Монголын зах зээлд танилцуулж цаашид урт хугацаанд хамтран ажиллах сонирхлоо илэрхийлж байгаагаараа нэн онцлог юм. Мөн ОХУ, БНПольш Улсаас оролцож байна. Манай улсын аж ахуйн нэгжүүд энэ удаагийн үзэсгэлэнгээрээ чанартай бүтээгдэхүүн, үйлчилгээгээ гадна дотны байгууллагад сурталчлан экспортын гарцыг нэмэгдүүлэх, бизнесийн төрөл бүрийн чиглэлээр хамтран ажиллах, мөн импортлогчид нь гаднаас ирж оролцож буй зорилго нэгт байгууллага хүмүүстэй түншийн харилцааг тогтоон, үзэсгэлэнгийн 5 өдөр завгүй байна гэдэгт бүрэн итгэлтэй байна.

9 ДҮГЭЭР САРЫН 11, ПҮРЭВ ГАРИГ

15.00 – 15.10 Нээлтийн ажиллагаанд зориулсан урлагийн тоглолт. Хөтлөгч хүндэт зочдыг танилцуулах
15.15 – 15.20 Нийслэлийн засаг дарга бөгөөд Улаанбаатар хотын захирагч Э. БАТ-ҮҮЛ үг хэлнэ
15.20 – 15.25 МҮХАҮТ-ын дарга, УИХ-ын гишүүн С.ДЭМБЭРЭЛ үг хэлнэ
15.25–15.30 Малайз Улсаас БНХАУ-д суугаа ЭСЯ-ны Малайзын гадаад худалдааг дэмжих байгууллагын Худалдааны орлогч төлөөлөгч Хатагтай Ng Mei Mei үг хэлнэ
15.35 – 15.40 Үзэсгэлэнгийн хамтран зохион байгуулагч Green city ХХК-й Гүйцэтгэх захирал М. Дашням үг хэлнэ.
15.40 - 15.45 Үзэсгэлэнг нээж тууз хайчилна.
15.45 – 19.00 Нийтэд үзэсгэлэнгийн үйл ажиллагаа нээгдэнэ.
16.30 - 17.30 МҮХАҮТ- Европын Холбооны Сэргээн Босголтын Банктай хамтран хэрэгжүүлж буй Бизнесийн Маргааныг Эвлэрүүлэн Зуучлах Төвийн сургалт 2 давхрын хурлын танхимд явагдана.