Ирэх бямба гарагт буюу энэ сарын 20-нд Үндэсний номын баярыг 16 дахь жилдээ тэмдэглэх гэж байна.  Чингисийн талбайд тэргүүний уншигч хүүхдүүдэд шагнал гардуулах, үнэт ховор номын үзэсгэлэн, хамгийн их уншлагад гарсан, уншлагад гараагүй номын үзэсгэлэн, Ардын уран зохиолчдын бүтээлийн үзэсгэлэн, хамгийн их уншигддаг уран зохиолын номын рейтингийг тогтоох, номын сангийн шинэлэг үйлчилгээг танилцуулах, ахмад зохиолчид хүндэтгэлийн дэвтэрт дурсгалын үг бичих, зураг авахуулах, номын хандив, зохиолчдын гарын үсэгтэй худалдаа, шинэ номын нээлт, зохиолчидтой хийх уулзалт зэрэг ном тойрсон олон олон үйл явдал болох юм байна.


 “Ном бол оюун санааны тусгаар тогтнол” уриатай энэ өдөр ном эрхлэн гаргагч байгууллагууд номоо 5-50 хувь хямдруулан худалдах юм.