Эмнэлгийн яаралтай болон түргэн тусламжийн 12 дах удаагийн цахим хурлыг 09 дүгээр сарын 10-ны өдөр зохион байгууллаа.Тус хуралд Эрүүл мэндийн яамны Эмнэлгийн тусламжийн хэлтсийн дарга Я.Амаржаргал, мөн хэлтсийн ахлах мэргэжилтэн Ч.Баярмаа, Эрүүл мэндийн хөгжлийн төвийн яаралтай тусламжийн зохицуулалтын хэлтсийн мэргэжилтэн Л.Оюунтунгалаг, Ж.Амарзаяа, П.Тогтохжаргал, УНТЭ-ийн ЯТТ-ийн эрхлэгч С.Алтансүх, Сэтгэцийн эрүүл мэндийн үндэсний төвийн Яаралтай тусламжийн тасаг /ЯТТ/ - ийн их эмч Мөнхтуяа, Хавдар судлалын үндэсний төвийн ЯТТ-ийн их эмч С.Удвал, Гэмтэл согог судлалын үндэсний төвийн ЯТТ-ийн эрхлэгч Э.Баасансүрэн, БОЭТ-ийн болон аймгуудын ЭМГ болон нэгдсэн эмнэлгийн эмч мэргэжилтнүүд болон яаралтай, түргэн тусламжид ажилладаг эмч, мэргэжилтнүүд оролцлоо.
Уг хурлаар яаралтай тусламжийн тасгийн 14 хоногийн үйл ажиллагааны мэдээ мэдээлэл, СЭМҮТ болон ХСҮТ-ийн яаралтай тусламжийн тасгуудыг танилцуулсан видео кино үзүүлэн санал солилцсон. ЭМЯ-ны ЭТХ-ийн дарга Я.Амаржаргал аймгуудаас хавдрын үеийн туяа эмчилгээ хийгдэж байгаа талаар, эмч мэргэжилтэнээ хэрхэн бэлтгэсэн, эм тарианы хангамж хир байгаа талаар асууж санал солилцсон.
УНТЭ-ийн ЯТТ-ийн эрхлэгч С.Алтансүх Хоол боловсруулах замын цочмог цус алдалтын яаралтай менежмент сэдвээр сонирхолтой мэдээлэл, сүүлийн үеийн эмчилгээний менежменийн талаар илтгэл тавьсан.
ЭМЯ-ны ЭТХ-ийн мэргэжилтэн Ч.Баярмаа Алсын түргэн тусламжийн дуудлагыг үзүүлэх журам, алсын дуудлага болон явуулын эмнэлгийн хуваарь, алсын дуудлага болон телемедицинээр зөвлөгөө өгөх өвчин эмгэгийн жагсаалт, алсын дуудлагын лавлагаа төвүүдэд шилжүүлэх байгаатай холбогдуулан гарч болох хүндрэлээс урьдчилан сэргийлэх, бэлтгэлийг хангаж ажиллах талаар танилцуулга хийв.
Хурлын үеэр Архангай аймгийн хувьд авто замын осол нэмэгдэж байгаа, зориулалтын түргэн тусламжийн машин байхгүйгээс өвчтөнийг тээвэрлэхэд хүндрэл гардаг мөн нэгсдэн эмнэлгийн эмч, мэргэжилтнийг яаралтай тусламжийн чиглэлээр төгсөлтийн дараах сургалтанд хамруулах зэрэг тулгамдаж буй асуудлуудын талаар Я.Амаржаргал даргад хандан ЭМЯ-нд уламжлан хүргэж, шийдвэрлэж өгөхийг хүссэн. ЭМЯ-ны ЭТХ-ийн дарга Я.Амаржаргал саналыг хүлээн авч бололцоогоороо туслана гэдгээ хэлсэн.
