Хүн төрөлхтөн техник технологийг буруу чигт хөгжүүлснээ ухаарч ойлгон,
байгаль экологийн асуудалд ихээхэн анхаарал хандуулах болж. Тиймээс л
“Эко” гэсэн тодотголтой эд юмсын хэрэглээ өдрөөс өдөрт нэмэгдэж байгаа
бөгөөд энэ нь яваандаа байгальд ээлтэй техник технологийн эрин зууныг
бий болгох нь ойлгомжтой болов.
"Эко
техник технологийн эрин" автомашины салбарт хүчээ авч эхлэв. Тиймдээ ч
дэлхийн өндөр хөгжилтэй хотууд цагдаа, эмнэлэг гэх мэт төрийн
үйлчилгээний байгууллагууддаа эко автомашинуудыг хэрэглэж байна.
Үүгээр ч зогсохгүй нэр нөлөөтэй хүмүүс цахилгаан автомашинаар гангардаг болсон бөгөөд үүгээрээ тэд ард түмэндээ үлгэр дууриал үзүүлдэг байна.
Үүгээр ч зогсохгүй нэр нөлөөтэй хүмүүс цахилгаан автомашинаар гангардаг болсон бөгөөд үүгээрээ тэд ард түмэндээ үлгэр дууриал үзүүлдэг байна.
Тэгвэл дээрх жишиг манай оронд ч бас тогтох бололтой. Тодруулбал Улаанбаатар хотын дарга албан хэрэгцээндээ эко буюу цахилгаан автомашин хэрэглэхээ мэдэгдсэн юм. Үүгээр ч зогсохгүй цаашид хотын захиргааны автомашинуудыг цахилгаан машинаар солих бодолтой байгаагаа ч дуулгав.
Хамгийн
анх “Митсубиши моторс” корпораци энэ оны зургадугаар сард Мitsubishi
Innovative Electric Vehicle буюу МIEV маркын цахилгаан автомашинаасаа
хоёр ширхэгийг Улаанбаатар хотын захиргаанд хандивлажээ. Улмаар нийслэл
цахилгаан машинуудыг туршилтаар ашиглаж эхэлсэн бөгөөд наадмын үеэр иргэдэд үйлчилсэн сурагтай.
МIEV нь 100 хувь цахилгаан машин бөгөөд бүтэн цэнэглэсэн тохиолдолд хэрэглээнээсээ хамаарч 130-150 км зам туулах хүчин чадалтай.
Түүний гол давуу тал бол хорт утаа ялгаруулахгүй байх явдал юм. Мөн MIEV дуу чимээ багатай.
MEIV машин ердийн болон хурдан гэсэн хоёр төрлийн цэнэглэгчтэй.
Цахилгаан машин болгон MIEV шиг загвартай байддаггүй. Спорт болон тансаг зэрэглэлийн цахилгаан машинууд аль хэдийн үйлдвэрлэгдээд эхэлсэн бөгөөд цахилгаан машинуудыг хүчин чадал гадаад үзэмж өдрөөс өдөрт шинэчлэгдэн сайжирсаар байна.
Хотын
даргын дээрх санаачлага "Утаанбаатар"-ынхны хувьд үнэхээр баярт мэдээ.
Агаарын бохирдлыг бууруулах цаашлаад төсвийн мөнгийг хэмнэхэд үүнээс
илүү нэмэр хандив гэж юу байхав. Тэгвэл энэ жишгийг бусад улс төрчид,
дарга сайд нар нь дагаж эхлэвэл яасан юм бэ? Ажаад байхад бүгд л бензин
их иддэг том, том жийп хөлөглөх. Гэсэн атлаа нэг л их хотын утааг
шийдье, эх дэлхийгээ хайрлая гэсэн хүмүүс. Ингэж хий хоосон ярьж байхаар
улс төрчид эхлээд өөрсдөө эко автомашин аваад уначих хэрэгтэй. Түүнчлэн үнэхээр л утаагаа багасгая гэж байгаа бол цахилгаан машиныг бодлогоор дэмжиж гаалийн татвараас чөлөөлчихөд буруудах зүйл үгүй.
24tsag.mn
Сэтгэгдэл (7)