Сүүлийн үед УИХ-ын гишүүд ном бичих нь олширсон. Өнгөрсөн хавар л гэхэд УИХ-ын С.Ганбаатар, Ё.Отгонбаяр зэрэг хэд, хэдэн улс төрч өөрийн номын нээлтийг хийсэн билээ. Тэгвэл гишүүдийн ном бичих буухиаг энэ удаа УИХ-ын гишүүн Ж.Батсуурь үргэлжлүүлэхээр болжээ. Тэрбээр төрийн гажиг тогтолцооны талаар 20 гаруй жил судалгаа хийсэн ба энэ сэдвээр хэд, хэдэн цуврал нийтлэл гаргаж байжээ. Тиймээс энэ бүгдийгээ нэгтгээд ном гаргахаар шийдсэнээ өчигдөр олон нийтэд мэдэгдлээ .