Өнөө өглөө Улаанбаатарчуудыг хөвсгөр цагаан цас угтан авлаа. Дулаан хувцасаа бэлдэж амжаагүй хүмүүс осгох шахан гүйлдэх нь цаанаа л нэг өрөвдмөөр. Үүнтэй зэрэгцэн авто замууд мөсөн гулгуурын талбай болж зуны дугуйтай жолооч нарыг шар махтай нь хатааж байна. Ийм үед осол аваар гарах нь хэд дахин нэмэгддэг бөгөөд үүнтэй холбогдуулан 24цаг.мн сайт нэгэн сонирхолтой зөвлөгөөг хүргэх гэж байна. Энэ нь зөвлөгөө гэхээсээ илтүүтэй ахмадын сургууль юм. Ингээд Онц тээвэрчин В.Самбуу гуайн яриаг хүргье.

-"Халтиргаатай замд автомашиныг онхолдуулалгүй жолоодох боломж бий. Зам тээврийн осол хэргийн нэлээд нь хурд хэтрүүлснээс болж гардаг. Тэгээд ч орчин үеийн машин техник хурд ихтэй болсон. Дээр нь залуу жолооч нар хурдлах дуртай. Ингээд дүрмийн заалт, журмаа зөрчсөнөөс хурд хэтрүүлж осол гардаг. Хурд хэтрүүлээд байна гэж ярихаас хурд хэтрүүлэхэд хүрдэг учир шалтгааныг ярихгүй байна. Хурдны үед хүчний үйлчлэл хөдөлгөөний дагуу чиглэлээр үйлчилж тоормосны замыг уртасгадаг онол бий.

Хурд, тоормосны зам хоёр шууд хамааралтай. Ямар ч нөхцөлд хурд, тоормосны замыг уртасгадгийг тооцолгvй халтиргаатай зам дээр хурдаа тохируулж яваагvйгээс хурдтай явах vед тоормослосон ч гулгаж юм очиж мөргөдөг. Мєн их хурдтай явах vед зам, дугуй хоёрын харьцаа багассанаас автомашин осолддог. Хурдыг нэмэгдvvлэхэд дугуйнд заалтын хvч vйлчилж, шулуун чиглэлээсээ хазайх хэлбэлзэлд орж автомашины тогтворжилт алдагдана. Энэ нь хурдны vед зам дугуй харьцах коэффициент багасч, жолоо хөнгөрч мэдэгддэг. Автомашины тогтворжилтод барьцалдах чанар шууд нєлєєлнє. Мєн хєдєлгєєний vеийн кинетик энергийн хурд нь ослын vед эвдрэлийн хурд болж хувирдаг гэсэн тодорхойлолт ч бий. Иймд их хурдтай явж байгаад осолдвол машин их эвдэрнэ. Тэгээд ч хурдтай явахад жолоочийн харах талбайн хэмжээ багасч буурдаг. Vvнийг манай зарим жолооч хурдлахад зам босож нарийсдаг мэтээр ярьдаг. Ийм vед замын саадыг муу харахад хvрч, анхаарал суларч, замын аюултай цэгийг мэдэж ухаарч чадахгvй байх нь бий. Ямар ч сэтгэхvйн чадвар сайтай жолооч их хурдтай явах vед осол гарвал тодорхой хариу vйлдэл хийж амжихгvй байх тохиолдол их. Шарваж халтирч байгаа vед шарвалтын хурдтай нь ойролцоо хурдтайгаар шарвасан тал руу жолооч дарж өгч шарвалтыг зогсоодог.

Дvрмийн заалтаас гадна тухайн нөхцөл байдалдаа зохицуулаагvигээс осол гаргах нь бас бий. Жишээ нь, талбай дээр тоглож байсан хvvхэд бөмбөгөө өнхрvvллээ гэж бодъё. Тэр хүүхэд бөмбөг рүүгээ нэг хараад, машин руу хараад байвал машины өмнүүр гvйх магадлал их. Харин тайван зогсч байгаа хүүхэд машины урдуур гүйх нь бага" хэмээн ахмад жолоочийн хувьд зөвлөсөн байна.