Ховд аймгийн МОАХ хуралдаж тэргүүнээрээ Ш.Адьшааг сонгосон байна. Тэрбээр сонгогдсон даруйдаа ирэх сарын 3, 4-ны өдрүүдэд болох Ховд аймгийн баруун бүсийн МОАХ-ын чуулга уулзалтыг зохион байгуулахаар ажиллаж байгаа аж. Ш.Адьшаагийн хувьд өмнө нь Ховд аймгийн хөгжлийн төлөө сангийн тэргүүнээр ажиллаж байснаас гадна тус нутагт бие даан УИХ-д нэр дэвшиж явсан нэгэн юм. Мөн Ховдын Гаалийн даргаар ажиллаж байхдаа авлига, хээл хахуулийн хэрэгт холбогдож, “Гаалиас төрсөн тэрбумтан” хэмээх нэрийг хүртэл зүүж явсан. Тэрбээр хамгийн сүүлд АН-д элсэж дуулиан тарьсан билээ.