Монгол Улсад суугаа БНСУ-ын Элчин сайдын яамны сайт дээр Инчеон 2014 Азийн наадмын үеэр болж байгаа зарим таагүй үйл явдлуудтай холбогдуулан сэрэмжлүүлэг гаргасан байна.

Тус сэрэмжлүүлэгт Монгол Улсын төрийн далбааг буруу харуулж мандуулсан, Монголын эмэгтэй тамирчдын хоолонд бохир зүйл хийсэн, буруу шүүлт явуулсан зэрэгт Монголчууд бухимдалтай байгаа тул Монгол Улсад байгаа Солонгос иргэдийг энэхүү тэмцээний талаар өөрийн үзэл бодлыг хамаагүй илэрхийлэхгүй байх, орой үдэш явахдаа болгоомжтой явах зэрэг анхааруулгыг өгчээ.