Зөвшөөрөлгүй үйл ажиллагаа явуулж буй төлбөртэй зогсоолуудыг журамлахаар нийслэлийн Засаг дарга Э.Бат-Үүл А/841 дугаар захирамж гарган шийдвэрлэсэн. Уг захирамжийн дагуу Улаанбаатар хотын ерөнхий менежер Б.Бадрал, нийслэлийн Мэргэжлийн хяналтын газар, Авто замын газар, Ерөнхий төлөвлөгөөний газар, Замын цагдаагийн газар, Өмчийн харилцааны газар хамтран үзлэг шалгалт хийх юм. Албан бус мэдээллээр нийслэлд зөвшөөрөлгүй зогсоол 16 байдаг гэж байгаа ч үүнээс ч илүү байх боломжтойг иргэд хэлээд байна.