Жил бүр МХЕГ-ын дэргэдэх Хүнсний аюулгүй байдлын Үндэсний лавлагаа лабораториос зохион байгуулдаг аймаг орон нутгийн сүлжээ лабораториудын эрхлэгч, шинжээч нарт зориуулсан сургалт зөвлөгөөнийг энэ жил хяналтын итгэмжлэгдсэн сүлжээ лабораториудын микробиологич нарт зориулан аравдугаар сарын 8-наас 9-ний өдрүүдэд зохион байгууллаа.Орон нутгийн шинжээчдийн ур чадварыг хүнсний түүхий эд бүтээгдэхүүний эрүүл ахуй, аюулгүйн үзүүлэлтүүд, түүнийг шинжлэх хурдавчилсан арга, хувиргасан амьд организмыг илрүүлэн тодорхойлох, нян судлалын лабораторийн биоаюулгүй ажиллагааг мөрдөх зэрэг үндсэн чиглэлээр дээшлүүлэх зорилгоор зохиогдож буй энэхүү зөвлөгөөнднийслэл, дүүрэг, аймаг, Алтанбулаг болон Замын-Үүд хилийн боомтуудын лабораториудын шинжээч, мэргэжилтнүүд хамрагдав.
Habull-1Аравдугаар сарын 10-нд“Эрдэм шинжилгээний 2 дугаар бага хурал”-ыг сүлжээ лабораториуд, их, дээд сургуулиуд, эрдэм шинжилгээний байгууллагуудын дунд зохион байгууллаа. Энэ жилийн эрдэм шинжилгээний хуралд Японы Олон улсын хамтын ажиллагааны байгууллага (JICA)-ын санхүүжилтээр хэрэгжүүлэх “Монгол улсын хүнсний аюулгүй байдлыг хамгаалахад лабораторийн шинжилгээний чадавхыг сайжруулах, чанарын хяналт, эрсдэлийн үнэлгээг бэхжүүлэх нь” төслийн багийнхан оролцсон юм. Тус байгууллагын Монгол дахь төлөөлөгчийн газрын Төслийн судалгаа, Төлөвлөлтийн мэргэжилтэн Арай Жиничи Хамтын ажиллагаа, хэрэгжүүлэх төслийн талаар танилцуулж, Япон улсын эрдэмтэн Доктор, проф Накажима Масахиро, Доктор, проф Сүгиура Ёшицүгү нар “Микотоксины тухай, түүнийг тодорхойлох орчин үеийн аргууд”, “Хор үүсгэгч хөгц мөөгөнцөр ба тэдгээрийг тодорхойлох орчин үеийн аргууд” сэдвээр сургалт хийлээ.
Хурлаар нийт 18 эрдэм шинжилгээний илтгэлийг хэлэлцсэн бөгөөд Тэргүүн байранд “Хөрсний актиномицетээс ялгасан биологийн идэвхит нэгдлийн судалгаа” сэдвээр ХАБҮЛЛ-ийн ЭАНСЛ-ийн шинжээч Л.Цэнгүүнмаа, Дэд байранд “Антигриппин эмийн өндөр идэвхит шингэний хроматографийн судалгааны үр дүнгээс” сэдвээр ХАБҮЛЛ-ийн ЭБЛ-ийн шинжээч М.Дэлгэрзаяа болон бусад, тусгай байранд “Хромоген тэжээлт орчныг шинжилгээнд хэрэглэж буй байдал” сэдвээр НМХГ-ын Төв лабораторийн шинжээч С.Буяндэлгэр нар тус тус шалгарсан юм. Шагналыг МХЕГ-ын дарга Д.Батмөнх гардуулан өглөө.
