Завхан  аймгийн прокурорын газрын 2014 оны 4 дүгээр  улирлын төлөвлөгөөнд тусгагдсаны дагуу  албадан ажил хийлгэх, эд хөрөнгө хураах ялын биелэлтийг 2014 оны 10 дугаар сарын 03-наас 10 дугаар сарын 20-ны хооронд шалгажээ.

Тус аймгийн Шүүхийн Шийдвэр Гүйцэтгэх албанд  2014 оны эхний 10 сарын байдлаар Сум дундын 12 дугаар шүүхээс 1 ялтанд 350 цагийн албадан ажил хийлгэх ялаар шийтгүүлж ялыг бүрэн эдлүүлсэн байна. Сумдын засаг дарга нараас албадан ажил хийлгэх ял эдлүүлэхэд шаардлагатай ажлын байрыг тодорхойлох, бий болгох асуудлаар гэрээ байгуулан хамтран ажиллаж хэвшжээ.

Эд хөрөнгө хураах ялаар шийтгэгдсэн 18 ялтанд 14 сая төгрөгний эд хөрөнгийг хурааж, төрийн өмчлөлд шилжүүлж  бүрэн биелүүлэн ажилласан байна.

Эрүүгийн байцаан шийтгэх тухай хуулийн 330 дугаар зүйлийн 330.1.3 дахь хэсэгт заасан “торгох, тодорхой албан тушаал эрхлэх, үйл ажиллагаа явуулах эрх хасах, эд хөрөнгө хураах албадан ажил хийлгэх ял оногдуулсан шийтгэх тогтоолыг тухай шийдвэрийг гүйцэтгэвэл зохих шийдвэр гүйцэтгэлийн албанд явуулж энэ тухай прокурорт мэдэгдэнэ.” гэсэн заалтын дагуу шүүх эд хөрөнгө хураах ялаар шийтгэгдсэн ялтнуудын мэдэгдэх хуудас цаг хугацаанд өгч мэдэгдэж хэвшсэн байна.

Албадан ажил хийлгэх, эд хөрөнгө хураах ялыг хэрэгжүүлэх, хяналт тавих явцад гарч байгаа хүндрэл бэрхшээл байхгүй мөн албадан ажил хийлгэх, эд хөрөнгө хураах ял 100 хувийн биелэлтэй байгаа ажээ.