Монголчууд “Golia” хэмээх АНУ-д үйлдвэрлэгдсэн архинд ихээн таагүй хандаж байна. Учир нь бид улс эх орныхоо нэр, сүлд, далбаа, бэлэгдэл зэргийнхээ нэрийг дутуу хазгай хэлэх элдэв байдлаар бусармаг зүйлд ашиглахыг хуулиар хориглоогүй ч ёс зүйн хувьд цээрлэж дургүйцдэг ард түмэн. Гэтэл манай улсын нэрийг тасалж, төрийн сүлдийг маань архины лого болгосон нь олон залууст таалагдахгүй байгаа юм.
                                Тиймээс АНУ-д манай улсыг төлөөлөн суугаа бүрэн эрхт элчин сайд А.Алтангэрэлд хандан зарим залуус мэдэгдэл гаргаад байгаа аж. Бүр цаашлаад шүүхэд ч хандах бодолтой байгаа гэнэ.