Украины ерөнхий сайд асан, парламент дахь “Батькивщина” фракцын тэргүүн Юлия Тимошенко Засгийн газарт нь гадаадын иргэд ажиллаж байгааг шүүмжилжээ.

“Дайн болж байгаа манай оронд гадаадын иргэд ирж ажиллаж байгаа нь сайныг хүсч ирсэн байж болох. Гэхдээ тэднийг сайн зүйл хийнэ гэдгийг мэдэхгүй юм. Анхаармаар хэд хэдэн зүйл байна. Юун түрүү тэд хэдий сайн мэргэжилтэн байлаа ч  Украиныг тийм сайн мэдэхгүй, жинхэнэ асуудал юунд байна, өнөөдөр хамгийн эмзэг зүйл нь юу вэ,  түүнийг хэрхэн анагааж болох вэ гэдгийг төгс сайн мэдэхгүй, суралцах, судлах хэрэгтэй болно. Гэтэл бидэнд тэгэж байх цаг хугацаа байгаа бил үү”

“Дайн болж байгаа манай оронд гадаадын иргэд ирж ажиллаж байгаа нь сайныг хүсч ирсэн байж болох. Гэхдээ тэднийг сайн зүйл хийнэ гэдгийг мэдэхгүй юм. Анхаармаар хэд хэдэн зүйл байна. Юун түрүү тэд хэдий сайн мэргэжилтэн байлаа ч  Украиныг тийм сайн мэдэхгүй, жинхэнэ асуудал юунд байна, өнөөдөр хамгийн эмзэг зүйл нь юу вэ,  түүнийг хэрхэн анагааж болох вэ гэдгийг төгс сайн мэдэхгүй, суралцах, судлах хэрэгтэй болно. Гэтэл бидэнд тэгэж байх цаг хугацаа байгаа бил үү” гэж тэрээр украины телевизийн “112 украина” сувагт ярилцлага өгөх үеэрээ хэлжээ.

Мөн “Украинд маш чадварлаг олон мэргэжилтэн байгаа, харамсалтай нь тэд улс төрөөс ангид байна. Тэднийг л олж илрүүлэх хэрэгтэй” гэсэн байна.

2014 он Украинд болсон сонгуулийн дараа Засгийн газарт гадаадын иргэдийг урьж ажиллуулах болсон юм. Өнөөдөр Сангийн яамыг АНУ-ын иргэн Наталия Яресько, Худалдаа, эдийн засгийн хөгжлийн яамыг Литвийн иргэн Айварас Абромавичус, Эрүүл мэндийн яамыг гүржийн Александр Квиташвили, Дотоод хэргийн дэд сайдаар гүржийн Эка Згуладзе нар ажиллаж байгаа бол улс орны өндөр албан тушаалын хүмүүсийн зөвлөхөөр гадаад хүмүүс томилогдсон билээ.