Хойд Солонгос Батлан хамгаалахын сайд Хён Ён Чолийг цаазалсан талаар “CNN” мэдээллээ. Өмнөд Солонгосын тагнуулын агентлаг энэ талаарх мэдээллийг засгийн газартаа өгсөн хэмээн Өмнөд Солонгосын хэвлэлүүд бичсэн байна.
Тус улсын “Yonhap” агентлагийн мэдээлснээр Батлан хамгаалахын сайд агсныг өнгөрсөн дөрөвдүгээр сарын 30-ны өдөр хөнөөсөн гэжээ. Түүнийг агаарын довтолгонооос хамгаалах галаар шатааж хөнөөсөн хэмээн Өмнөдийн тагнуулын албаныхан мэдээлсэн байна.
Хён Ён Чолийг удирдагч Ким Чен Унд үнэнч бус байдлаа харуулсан хэмээн буруутгасан гэж таамаглаж байгаа аж. Хэдий итгэхэд бэрх ч гэсэн хохирогчийг Ким Чен Уны оролцсон төрийн арга хэмжээний үеэр унтсан гэж шийтгэсэн нь энэ гэлээ.
Тэрээр 2012 оны албан тушаалын шинэчлэлийн дараа Хойд Солонгосын Батлан хамгаалахын тэргүүний албанд тушаалд томилогдсон юм.
Г.Үжин
Сэтгэгдэл (16)