Монгол Улсын төрийн тэргүүн Х.Баттулга хэд хэдэн генералын цолыг хураасан нь олны анхааралд өртөөд байгаа. Өмнө нь ийм асуудал огт үүсч байгаагүй бөгөөд төр өгсөн шагналаа буцааж авсан түүх байдагүй. Ийнхүү төрийн дээд шагналаа төр буцаан авч буй түүхийн шинэ хуудас нээгдлээ. 

Зөвхөн генерал цол хураагаад зогсохгүй уяачдын хэргэм зэргийг хураасан байна. Тодруулбал, яачдын холбооны тэргүүн дэд Ерөнхийлөгч Д.Дагвадорж болон нарийн бичгийн дарга П.Сэргэлэн нарын тод манлай, алдарт уяач цолыг нь хураах зарлиг энэ долоо хоногт гарахаар болсныг Ерөнхийлөгчийн тамгын газрын дарга З.Энхболд дуулгасан юм.

Тод манлай, алдарт уяач цолыг нь хураах хүндтэй шалтгаан хэрэгтэй. Тэгвэл Дүнжингарав уралдааныг Засгийн газрын тогтоолгүйгээр, хууль зөрчиж харанхуй шөнө зохион байгуулсан нь гол шалтгаан болжээ. Ингэснээр дахин ийм зүйл давтагдахгүй гэж үзэж буй бололтой.