Багш нар цалин хөлсөө нэмэгдүүлэх гэж бүх нийтээрээ ажил хаяхаа мэдэгдээд байгаатай холбогдуулан “Багшийн цалин нэмүүлэх тор хороо”-ны гишүүн, нийслэлийн Баянзүрх дүүргийн 44 дүгээр сургуулийн ҮЭ-ийн хорооны дарга С.Сарантуултай ярилцлаа.

-Одоо зохион байгуулах гээд байгаа ажил хаялтад улсын хэмжээний бүх сургуулийн багш нар хамрагдаж оролцох уу?

-Ажил хаях талаар бид саяхан хэвлэлийн бага хурал зарлаж мэдээлсэн.  Гурван талт хэлэлцээр тухайн хугацаандаа  хийж цалин нэмэх асуудлыг ярихгүй  бол  багш нар орон  даяар нэгдэж ажлаа хаяна гэсэн бодолтой байгаа.

-Одоогоор хэдэн сургуулийн хэдэн багш ажил хаяхаа мэдэгдээд байна?

-Орон нутаг нийслэлээс нийтдээ 80 гаруй сургууль нэгдэж ажилд хаяхаа мэдэгдээд байна. Бусад нь дэмжигчийн байдлаар оролцож байгаа.

-Багш нарын цалинг нэмээч гэснийг эрх баригч нар хүлээж авахгүй бол яах вэ?

-Бид нар сая хэвлэлийн бага хурал хийж,  Ерөнхийлөгч, УИХ-ын дарга, Ерөнхий сайд нарт  цалин нэмүүлэх  шаардлага хүргүүлсэн. Энэ шаардлагадаа бид боловсролынхоо салбарыг анхааралдаа аваач,  монгол улсын тэргүүлэх салбар болсон боловсролыг   ядууралд хүргэсэн дарга сайд нарт  хариуцлага тооцоочээ гэсэн байгаа. Өнөөдөр  тэр хариуцлагагүй хүмүүсийн  өмнөөс бид ажил хаяж хүүхдүүд дунд нь хэлмэгдэж сурч боловсрох цаг хугацаагаа алдахад хүргч байна.

Тиймээс  энэ сарын есний өдөр 1000 нэгдэж Ерөнхийлөгч, ерөнхий сайд, УИХ-ын даргыг  мэтгэлцээнд урьж байгаа юм.

-Багш нар ажлаа хугацаатай хаях уу?

-Хэлэлцээрт суухаас шалтгаална. Тавдугаар сарын 9-нөөс өмнө хэлэлцээрт сууж үр дүнд хүрвэл бид ажил хаяхгүй . Хэрвээ хэлэлцээрт суухгүй бол эрхийнхээ хүрээнд ажил хаяна. Үйлдвэрчний эвлэл   бас дэмжинэ.

-Тун удахгүй сургуулиудын шалгалт эхэлнэ. Анги дэвших ,сургууль төгсөх шалгалт эхлэх гэж байхад багш нар ажил хаях ямар бол?

-Багш нар ажил хаяснаараа өнөөдөр  сөрөг үр дагавртай мэт болов ч боловсрол нь тогтворгүй,  удирдлагын тогтолцоо  нь тогтворгүй, салбараа дампууруулсан ажлаа мэдэхгүй нөхөд сандал суудлаасаа ховхорч  чадахгүй байгаа ийм үед энэ нөхдөд хариуцлага тооцох хэрэгтэй байна шүү дээ. Жилд гурван сайд дөрвөн нарийн бичиг сольж байна .Энэ нь багш нарыг  үнэхээрийн доройтуулах, ажил хийх нөхцөл бололцоог нь хангахгүй,  шийдвэр гаргаж чадахгүй байгаа нь боловсролоо уландаа гишгэж дампууруулж байна гэж үзэж байна Энэ бүхэн багш нар, сурагчдаас шалтгаалаагүй энэ бол төр засгийн тогтворгүй байдлаас шалтгаалж байгаа гэдгийг зөвөөр ойлгох хэрэгтэй.