Гадаад харилцааны яамнаас өнөөдөр “Мэдээллийн цаг” хэвлэлийн бага хурал зарлаж ГССХГ-ын захирал, хэвлэлийн төлөөлөгч Х.Мандахцэцэг цаг үеийн асуудлаар мэдээлэл өглөө.
Дөрвөн улсаас бусад оронд сунгалттай паспорт үйлчилнэ
Олон улсын иргэний нисэхийн байгууллагаас гаргасан паспортад тавигдах стандартын тухай зөвлөмжид паспортын хүчинтэй хугацааг гар аргаар сунгахгүй байх тухай заасан байдаг бөгөөд НҮБ-ын Аюулгүй Зөвлөлөөс хилийн боомтоор зорчих нөхцөлийг хөнгөвчлөх, терроризмоос урьдчилан сэргийлэх зорилгоор гишүүн орнуудын зүгээс хэрэгжүүлэх авах арга хэмжээний тухай 2016 онд баталсан S/RES/2309 (2016) тоот тогтоолд уг стандартыг хэрэгжүүлэх тухай заасан байдаг. Эдгээр баримт бичгийн дагуу Монгол Улс 2018 оны нэгдүгээр сарын 3-ны өдрөөс эхлэн иргэдийн гадаад паспортад сунгалт хийхийг зогсоож, 5 жилийн хүчинтэй хугацаатай гадаад паспорт шинээр олгож эхэлсэн. Үүнээс өмнө сунгалт хийлгэсэн гадаад паспорттай иргэдийн паспортын хувьд сунгалтын хугацаа нь дуусах хүртлээ хүчинтэй хэвээр бөгөөд гадаадад зорчих боломжтой. Харин сунгалт хийлгэсэн паспорттай манай улсын иргэдийг Казахстан, Израйль, Өмнөд Африк зэрэг улсын хилээр нэвтрүүлэхгүй буцаасан тохиолдол гарсан тул эдгээр улсад зорчих иргэд шинээр паспорт захиалан авах шаардлагатай юм.
Гадаад харилцааны яамны зүгээс цаашид сунгалттай паспортаар нэвтрэх боломжгүй улс орнуудын талаарх албан ёсны мэдээллийг тухай бүр олон нийтэд хүргэх болно. Энэ дашрамд дахин сануулахад, гадаадад зорчиход паспортын хүчинтэй хугацаа доод тал нь 6 сар байх шаардлага тавигддаг тул паспортын хугацаа дуусах дөхсөн иргэдэд шинээр паспорт захиалах шаардлагатай юм.
Төрийн өндөр албан тушаалтнуудын айлчлалын талаар
Шанхайн хамтын ажиллагааны байгууллагын тэргүүн нарын дээд хэмжээний уулзалт зургадугаар сарын 9-10-ний өдөр БНХАУ-д болно. Уулзалтад Монгол Улсын Ерөнхийлөгч Х.Баттулга оролцохоор төлөвлөж, бэлтгэл ажлыг хийж байна.
Гадаад харилцааны сайд Д.Цогтбаатар ОХУ-д хийсэн айлчлал амжилттай үргэлжилж байна. Цаашид Гадаад харилцааны сайдД.Цогтбаатар АНУ-д айлчилна. Айлчлалын хүрээнд хоёр талын хамтын ажиллагааг өргөжүүлэх, хоёр улсын хоорондхийгдэж буй ажлуудыг илүү идэвхижүүлэх чиглэлд нэлээд түлхүү ажиллах болно.
БНХАУ-д 20 орчим монгол иргэн хар тамхины хэргээр хоригдож байна
Гадаадад хар тамхины хэргээр холбогдож байгаа монгол иргэд олноор гарч байна. Одоогийн байдлаар БНХАУ-д 20 иргэн хар тамхины хэргээр хоригдож байна. Сингапурт ч мөн монгол иргэд хар тамхины хэрэгт холбогдсон мэдээлэл ирсэн. Иймд иргэдийг хар тамхи зөөвөрлөх, тээвэрлэх асуудалд анхаарал болгоомжтой хандахыг хүсч байна.
Сэтгэгдэл (5)