Португал 1:0 Морокко
Гоол: Криштиану Роналду (4)
Хэсгийн хоёр дахь тоглолтоо Морокко улсын шигшээ багийн эсрэг хийсэн Португалын шигшээ баг К.Роналдугийн дөрөв дэх минутад булангаас ирсэн бөмбөгийг мөргөсөн гоолоор хожил байгууллаа. Уг гоолыг оруулснаар К.Роналду мэргэн буучийн жагсаалтыг дөрвөн гоолтой тэргүүлж эхэллээ. Мөн дэлхийн аваргад баруун, зүүн хөл болон толгойгоороо гоол оруулсан түүхэнд хоёр дахь тоглогч болон бүртгэгдсэн юм. Түүнчлэн шигшээ багдаа 85 гоол оруулснаар тивийнхээ бусад тамирчдыг манлайлах боллоо. Түүний урд Ираны алдарт довтлогч Али Дайе 109 гоол оруулсан амжилттай бичигдэж байна.
Уругвай 1:0 Саудын Араб
Гоол: Луис Суарес (23)
Шигшээ багтаа 100 дахь тоглолтоо хийж буй Уругвайн довтлогч Луис Суарес энэ тоглолтын цор ганц гоолыг орууллаа. Луис Суарес энэ гоолыг оруулснаар гурван ДАШТ-д дараалан гоол оруулсан анхны уругвай тоглогч болсон юм.
Испани 1:0 Иран
Гоол: Диего Кошта (54)
Диего Кошта энэ тоглолтын цор ганц бөгөөд хожлын гоолыг хийж Испани улсын шигшээ хэсгээ тэргүүлж эхэллээ. Португал улсын шигшээ багтай хожил болон гоолын харьцаа тэнцүү байгаа ч шар хуудасны тоогоор ийнхүү Испани хэсгийн хүснэгтийн тэргүүн багаар бичигдэж байна. ДАШТ-д хоёр тоглолтод оролцож гурван гоол оруулсан Диего Кошта мэргэн буучдын жагсаалтын хоёрдугаарт бичигдэж байна.