Үндэсний их баяр наадмын бөхийн барилдаанд Увс аймгийн Ховд сумын харьяат улсын арслан Н.Батсуурь одтой сайхан барилдан түрүүлж, аварга цол хүртсэн билээ. Отгон аваргын хувьд нутгийн зөвлөл, ивээн тэтгэгч компанийн урилга заллагад нэлээд даруулж энэ хэдэн өдрийг өнгөрүүлсэн бол өнөөдрөөс бэлтгэлдээ оржээ. Гэхдээ аваргын наадмаас хойшхи анхны бэлтгэл нь үндэсний бөх бус жүдо байв. Тэрээр жүдогоор бэлтгэл хийдэг нь удахгүй Жакартад болох Азийн наадамд бэлтгэж байж магадгүй юм.