Өнөөдрийн байдлаар Мал, амьтны гоц халдварт шүлхий өвчин орон нутагт гарч одоогийн байдлаар Өвөрхангай аймгийн хоёр сум, Архангай аймгийн долоон суманд хорио цээрийн дэглэм тогтоогоод байгаа билээ.
Өнгөрсөн сарын 26-наас энэ сарын 10-ныг хүртэл тус аймгуудад Улсын онцгой комиссын шуурхай бүлэг очиж ажиллаад уг өвчнийг хяналтандаа оруулсан байна. Өнөөдрийн байдлаар хамгаалалтын, голомтын, сэжигтэй гэсэн гурван бүс дээр ариутгал, халдваргүйжүүлэлт хийгдэж байгаа аж.
Хамгаалалтын бүсийн вакцинжуулалт Архангай аймагт дууссан бөгөөд Өвөрхангай аймагт харин вакцин хийлгээгүй цөөн тооны мал үлдсэн байгааг өнөө, маргаашийн дотор хийж дуусгах аж. Өнөөдөр ирсэн мэдээллээр Архангай аймгийн дөрвөн суманд хорио цээрээс хязгаарлалтын дэглэм рүү шилжиж байна гэсэн. Тиймд өвчлөл, халдварын тархалтын хувьд зогссон байгаа учраас одоо хийгдэх ёстой ажлууд хийгдэж хяналтад бүрэн орж байгаа юм байна.
Мал, амьтны гоц халдварт шүлхий өвчний тархалт одоо ямар хэмжээнд хүрээд байгаа талаар Мал эмнэлэгийн хэлтсийн дарга, Ерөнхий Эпимиологич Б.Цолмон “Хорио цээр тогтоосон бүсээс амьд малыг шилжүүлэх хөдөлгөөн болон голомт бүхий сумуудаас мал , малын гаралтай түүхий эд бүтээгдэхүүн гаргахыг хориглосон. Улаанбаатар тухайн бүс нутгийг дамжин өнгөрсөн эсвэл тухайн бүс нутгаас ирсэн ч ариутгал халдваргүйжүүлэлт хийх дахин тархахаас урьдчилан сэргийлэх ажил хийгдэж байна. Энэ мал амьтны гоц халдварт өвчний хорио цээрийн дэглэм буурсны дараа мал угаалгын компанит ажлыг орон даяар эхлүүлэхээр төлөвлөөд байна. Энэ нь тухайн малыг шүршиж угааж, тухайн хашаа хороог ариутгана гэсэн үг.Дэлхийн мал амьтны эрүүл мэндийн байгууллагын кодод заасан гоц халдварт долоон төрлийн, худалдааны хориг бүхий өвчний ангилалд шүлхий өвчин хамгийн эхэнд бичигддэг.Мөн шүлхий өвчнөөр бол хүн өвчлөхгүй ч малаас, малд буюу бүх төрлийн салаа туурайтай амьтанд халдварладаг.
Албаныхны өгсөн мэдээллээр өнөөдрийн байдлаар Архангай аймгийн Батцэнгэл, Өлзийт, Төвшрүүлэх, Хашаат, Өгийнуур, Хотонт, Цэнхэр гэсэн сумдад хязгаарлалтын дэглэмтэй байгаа бол Өвөрхангай аймгийн Хархорин, Тарагт сумд хорио цээрийн дэглэм хэвээрээ үргэлжилж байгаа аж.
Л.Сайнбаяр
Сэтгэгдэл (1)