МАН-аас цаг үеийн асуудлаар мэдээлэл хийлээ.
УИХ-ын гишүүн, МАН-ын бүлгийн дарга Д.Хаянхярваагаас дараах зүйлийг тодрууллаа.
-ЖДҮ-ийг хөгжүүлэх сангаас зээл авсан гишүүдийн талаар танай бүлэг юу гэж хэлэлцсэн вэ?
-Намын дарга, Ерөнхий сайдын зүгээс эдгээр хүмүүст зээлээ эргүүлэн маш богино хугацаанд төл, хууль хяналтын байгууллагаар шалгуул гэсэн. Хэрэв буруутай нь тогтоогдвол бид дараагийн арга хэмжээг авна. Бусад тохиолдолд ёс зүйгүй хариуцлага гаргасан гэдэг талаасаа ард түмнээсээ уучлал гуйх ёстой гэсэн байр суурийг илэрхийлсэн хэвээр байгаа.
-Б.Батзориг сайдын асуудалд бүлгийн зүгээс прокурорын саналыг үндэслэх үү, эсвэл өөрийнх нь хүсэлтийг үндэслэх юм уу?
-Өнөөдөр бид сайдаас нь огцруулах тухай ярьж байгаа. Сайдаас огцруулах асуудлыг өөрөө хүсэлтээ өгч УИХ-д албан ёсоор өргөн барьсан учраас хэлэлцэж байна. Тэгэхээр өөрийн хүсэлт, Засгийн газрын хүсэлтийг үндэслэж сайдын суудлаас нь чөлөөлнө гэсэн үг.
-Орных нь сайдын асуудлын тухай яригдав уу?
-Яригдаагүй.
-Хэн орлож байгаа вэ?
-Засгийн газраас яг одоо чөлөөлөгдсөн тохиолдолд үүрэгт ажлыг нь тэр хавсарна гээд Засгийн газрын журманд байдаг байх. Нэг сайд нь хавсраад явж байгаа байх. Яг одоо хэнийг нь мэдэхгүй байна.
-ЖДҮ-ийг хөгжүүлэх сангийн зээлээс их хэмжээний мөнгө авсан гэх бусад гишүүдэд ямар арга хэмжээ авах вэ?
-Хэрэв тэр асуудал хөндөгдөөд ороод ирвэл яригдах байх. Б.Батзориг сайд дээр би нэг л зүйл хэлээд байгаа. Энэ ажлыг гардан хийж, хариуцаж байсан учраас энэ асуудалд эхний ээлжинд Б.Батзориг сайдын асуудал яригдаж байгаа.
Засгийн газраас шалгалт оруулна гэж байгаа. Засгийн газрын шалгалт эхэлсэн байх. Хөрөнгө санхүүтэй холбоотой асуудлаар хууль, хяналтын байгууллагууд хангалттай сайн шалгаж, дүгнэлтүүдээ гаргах ёстой гэдэг байр суурьтай байгаа.
-Прокуророос ирсэн бичиг нь ямар утгатай бичиг байсан бэ. Яллагдагчаар татсан бичиг мөн үү?
-Яг албан ёсоор прокуророос ирсэн бичгийг бидэнд танилцуулаагүй. Зүгээр түдгэлзүүлэх санал ирсэн. Гишүүнээс нь түдгэлзүүлэх тухай асуудлыг маргааш хэлэлцэнэ.
-Зээлээ эргүүлэн төлж эхэлсэн гишүүд байна уу?
-Надад ирсэн мэдээллээр Ж.Энхбаяр гишүүн төлсөн гэж интернэтээр мэдээллүүд нь гарч байна. Өөр мэдээлэл алга.
Б.Лхам
Сэтгэгдэл (9)