УИХ-ын гишүүн Б.Батзоригийн бүрэн эрхийг түдгэлзүүлэх саналаа Ерөнхий прокурор өчигдөр УИХ-ын даргад өргөн барьсан. Ерөнхий прокурорын эл саналыг 48 цагийн дотор хэлэлцэн шийдвэрлэх хуулийн заалтын дагуу УИХ-ын Халдашгүй байдлын дэд хороо дөнгөж сая хуралдаж дууслаа. Ц.Нямдорж гишүүний тэргүүлдэг дэд хороог хамгийн олон удаа сонгогдсон таван гишүүн бүрдүүлдэг. Халдашгүй байдлын дэд хорооны хуралдаан дууссаны дараа Хууль зүй болон Төрийн байгуулалтын байнгын хороо яг одоо хаалттай горимоор хуралдаж байна. Гишүүний бүрэн эрхийг түдгэлзүүлэх эсэхийг нууц санал хураалтаар олонхийн саналаар шийдвэрлэдэг ч байнгын хорооны хуралдааныг нээлттэйгээр хийж болдог билээ. Харин энэ удаа Байнгын хороодын хуралдаан хаалттай горимоор болж байна. Хамгийн сүүлд өнгөрсөн хавар УИХ-ын гишүүн Д.Гантулга, Д.Мурат нарын бүрэн эрхийг түдгэлзүүлэх Ерөнхий прокурорын саналыг Байнгын хороод нээлттэйгээр хэлэлцээд санал хураалтаа нууцаар явуулж байсан билээ.
Дашрамд дурдахад Ерөнхий прокурорын саналыг УИХ дахь МАН-ын бүлэг хүлээн авахгүй гэсэн улс төрийн шийдвэрийг өнөөдөр орой гаргасан билээ.
С.Нацаг
Сэтгэгдэл (6)