УИХ-ын гишүүн Ж.Бат-Эрдэнэ “Шинэ хөдөө” хөтөлбөрийг хэрэгжүүлж буй. Энэ нь өрхийн орлогыг нэмэгдүүлэх, жижиг дунд үйлдвэрлэлийг хөгжүүлэх зорилготой хэмээн тайлбарладаг.
Тэрбээр ЖДҮ-г хөдөө орон нутаг руу чиглүүлэх тухай хэлж байсан ч дэмжээгүй талаар цахим хуудаснаа нийтэлсэн юм. Тодруулбал, “Бүтэн хоёр жил ЖДҮ-г орон нутагт тараагаач, эзэнд нь хүргээч гэж хэлж явлаа. Бүтсэнгүй. "Шинэ хөдөө" хөтөлбөр санаачиллаа. Дэмжсэнгүй. Аргаа бараад Булгандаа жижгэрүүлж хэрэгжүүлээд явж байна” гэв.
Хөтөлбөрийн хүрээнд Булган аймагт өнгөрсөн онд чацарганы мод, энэ жил үхрийн нүд тарилсан юм. "Шинэ хөдөө Булган" хөтөлбөрийн хүрээнд 2018 онд малын үржил шимийг сайжруулах, жимс жимсгэнэ хөтөлбөрийн хүрээнд сумдад эрчим хар ухна 180, дархад хуц 200, баяд хуц 160, Сэлэнгэ үүлдрийн бух 100, Херефорд үүлдрийн цэвэр бух 25, усалгааны систем 8, худаг 9 ширхэг, Грефорд үүлдрийн хөлдөөсөн үр 6000 тун, зохиомол хээлтүүлгийн багаж 4 комыг нийлүүлжээ.
Б.Лхам
Сэтгэгдэл (11)