Цэцийн Дунд суудлын хуралдаанаар Д.Гантулгыг УИХ-ын гишүүнээс чөлөөлсөн УИХ-ын тогтоолыг Үндсэн хууль зөрчөөгүй гэсэн дүгнэлт гаргасан билээ. Харин Хэнтий аймагт нөхөн сонгууль зарласан тов болон нөхөн сонгуулийн зардлыг шийдсэн тогтоолыг Үндсэн хууль зөрчсөн гэж үзсэн. Энэ асуудлаар АН-ын дарга С.Эрдэнэ байр сууриа илэрхийлсэн юм.

Тэрбээр “УИХ энэ асуудлыг хүлээж авсан ч, эс хүлээж авсан ч энэ сонгууль явагдахгүй. Хүлээж авлаа гэхэд шууд сонгууль явагдах боломжгүй. Хүлээж авахгүй бол Цэц Их суудлаараа шийдвэрээ баталгаажуулна. Тэгэхээр аль ч шатанд сонгууль явагдахгүй нөхцөл үүслээ. Хэнтий аймгийн 42 дугаар тойргийн 17 мянган сонгогчийн эрх ашгийг гишгэлээ. Бүх ард түмний эрх ашгийг дээдэлдэг Цэц 17 мянган иргэний эрх ашгийг дэвслээд хаячихлаа” гэв.

С.Сүлд