Санхүүгийн тогтолцооны тогтвортой байдлыг хангах үндсэн чиг үүрэг бүхий Санхүүгийн тогтвортой байдлын зөвлөл ээлжит хуралдаанаараа Улсын Их Хурлын гишүүн С.Эрдэнийн санаачилсан “Зээлийн хүүгийн дээд хязгаар тогтоох болон мөнгө хүүлэлттэй тэмцэх тухай хуулийн төсөл“-ийг авч хэлэлцэн, зөвлөмж гаргалаа.

Зөвлөмжийг Монгол Улсын Их Хурлын дарга, Эдийн засгийн байнгын хороо, Төсвийн байнгын хороо, Хууль зүйн байнгын хороо, Монгол Улсын Их Хурал дахь Монгол Ардын намын бүлэг, УИХ дахь Ардчилсан намын зөвлөл, Монголын банкны холбоонд тус тус албан тоот бичгээр хүргүүлжээ.

Зөвлөмжид хуулиар зээлийн хүүний дээд хязгаар тогтоох нь олон сөрөг үр дагаварт хүргэдгийг олон улсын туршлага хариуулж байна. Зээлийн хүүний дээд хязгаарыг хатуу тогтоох нь жижиг, дунд бизнес эрхлэгч, бага орлоготой иргэд болон орон нутгийн зээлдэгчдэд хүрэх зээлийн үйлчилгээг хумьж хүртээмжийг бууруулж, эргээд албан бус зээлийн үйлчилгээ хөгжих нөхцөлийг бий болгох, санхүүгийн байгууллагуудын шимтгэл өсөх зэрэг үр дагавар хүргэх эрсдэлтэй гэжээ.

С.Сүлд