БНТУ-ын Истанбул хот дахь Монголын Ерөнхий консулын хоёр ажилтан 70 кг героин тээвэрлэж байгаад баригдсан. Эдгээр хүмүүс нь Ерөнхий консулын ажилтан Б.Баттүшиг, жолооч С.Эрдэнэбаяр нар байжээ. С.Эрдэнэбаярын хувьд өмнө нь АНУ, Европт Элчин сайдын яаманд ажиллаж байсан, хугацаа нь дуусаад Монголдоо ирэх үедээ ГХЯ-ны өндөр албан тушаалтнуудын жолоочоор ажиллаж байсан хүн юм байна. Тодруулбал, анх томилогдох үедээ одоогийн Гадаад хэргийн сайд, тухайн үеийн гадаад харилцааны яамны Төрийн нарийн бичгийн Д.Цогтбаатарын жолоочоор ажиллаж байсан, иаиагдаж ирээд Л.Болдыг Гадаад харилцааны сайд байхад мөн л жолоочоор нь ажиллаж байжээ. УИХ-ын гишүүн Л.Болдын хувьд Турк дэх Элчин сайдын яам, Истанбулын Ерөнхий консулын газрын томилгоонд нэлээд оролцдог, өөрийн хүнээ томилуулдаг байсан мэдээлэл байгаа юм. С.Эрдэнэбаяр нь Истанбул дахь Ерөнхий консулын газарт ажиллаад гурав шахам жил болж байгаа ажээ. Харин Б.Баттүшиг нь томилогдоод жил орчим болж байгаа бөгөөд аав нь Улсын дээд шүүхийн шүүгч байсан хүн юм байна.

Хар тамхи тээвэрлэж байсан автомашин нь дипломат дугаартай боловч С.Эрдэнэбаярын хувийн автомашин байсан байна. Дипломат дугаарыг Ерөнхий консулын албан бичгээр олгодог билээ.

С.Сүлд