АН-ын генсек Ц.Тувааны гарын үсэг бүхий албан бичиг арц, хүж уугиулахдаа тулав. Төрийн ордонд биш л дээ. Харин үүдэнд нь. Хэн гэдэг даргын тушаалаар ийм үйлдэл хийснийг нь хэлж мэдэхгүй ч Т.Энхсайхан хэмээх Ардчилсан намын шошго, намын батлахтай гишүүн толгойлж жагссан нь сонин бөгөөд намаас чиглэл өгсөн нь илт аж.
Ямар ч байсан Хууль зүй, дотоод хэргийн сайдыг огцрохыг шаардаж салбарын яамны үүдэнд дөрөв хоногийн турш гороолсон жагсагчид эцэстээ Төрийн ордны үүдэнд лам нарыг оролцуулсан нь олон нийтийн дургүйцлийг хүргэсэн үйлдэл болов. Өөрөөр хэлбэл, өөрсдийнх нь үйлдэл олон нийтийн анхаарлыг татахгүй хэмжээнд хүрэхтэй зэрэгцэн АН-ын зүгээс зохион байгуулж буй жагсаал цуглаандаа лам нарыг оролцуулсан нь “бай”-гаа оносонгүй. Эсрэгээрээ хууль зөрчив.
Үндсэн хуульд “Монгол Улсад төр нь шашнаа хүндэтгэж, шашин нь төрөө дээдэлнэ” хэмээх заалт бий. Үүгээр АН-аас зохион байгуулсан энэхүү эсэргүүцэл төрөө, түүний бодлогод харшлав бололтой. Нэг үгээр, АН-ынхан хууль зөрчив. Дөрвөн жилд нэг удаа зохион байгуулдаг, түүгээр дамжуулж төрийн эрх барих дээд байгууллагын төлөөлөгчөө сонгохдоо ч шашны зан үйлийг тас хориглодог гэдгийг эрх биш С.Эрдэнэ даргатай АН-ынхан мэдэж баймаар.
С.Сүлд
Сэтгэгдэл (8)