УИХ-ын чуулганаар Монгол Улсын Үндсэн хуульд оруулах нэмэлт, өөрчлөлтийн төслийн нэг дэх хэлэлцүүлгийг хийж, төслийн танилцуулга, Байнгын хорооны санал, дүгнэлтийг УИХ-ын гишүүн С.Бямбацогт хийсэн юм.
Энэ үеэр УИХ-ын гишүүн Х.Нямбаатар: "Төрийн албан хаагчдын үүрэг, хариуцлага шударга бус байна. Зөрчлийн хуулиар иргэд, аж ахуйн нэгж 200 сая хүртэлх төгрөгөөр торгуулна. Баривчлуулна, эд хөрөнгийг нь хураана, шийтгүүлнэ гэсэн тодорхой заалттай. Гэтэл төрийн албан хаагч нар ямар нэгэн алдаа дутагдал гаргавал ажлаасаа л халагдах юм шиг байгаа юм. Үндсэн хуулийн өөрчлөлтөөр тэднийг өргөдлөө өгөөч л гэж гуйх юм шиг байна. Яагаад" гэж асуухад УИХ-ын гишүүн С.Бямбацогт: "Төрийн албан хаагчдад илүү эрх олгохгүй. Иргэд, аж ахуйн нэгж болон төрийн албан хаагчдийн эрх, үүрэг харилцан эрх тэгш байхаар тусгаж өгсөн. Мөн хууль тогтоох, хуулийн хэрэгжилтэд хяналт тавих асуудал руу түлхүү оръё гэсэн. Тиймдээ ч 50 хоног хуралдах заалтыг 75 хоног болгож өөрчилсөн. Ингэснээр илүү чанартай хуралдаж, хуулийн хэрэгжилтэд ч хяналт сайн тавих боломжтой болно" гэсэн юм.
Г.Алимаа
Сэтгэгдэл (1)