Салхитын мөнгөний ордтой холбогдох хэргийг шүүхээр шийдвэрлүүлэх явцад бусдаас онц их хэмжээний хахууль авсан гэх шүүгч нарын бүрэн эрхийг Ерөнхийлөгч Х.Баттулга түдгэлзүүлсэн билээ. Үүний дараагаас нэр бүхий шүүгч нарыг АТГ-аас шалгаж, холбогдох хэргийг шүүхэд шилжүүлсэн юм. Тэгвэл уг хэрэгт холбогдох 15 холбогдогчтой гэмт хэргийн шүүх хурлын урьдчилсан хэлэлцүүлэг Хан-Уул дүүргийн Эрүүгийн хэргийн анхан шатны шүүхэд өнөөдөр болох байсан ч хойшлогдлоо.

Тодруулбал,  Улсын дээд шүүхийн Иргэний хэргийн танхимын шүүгч Д.Цолмон, Г.Цагаанцоож, Ц.Амарсайхан, Захиргааны хэргийн давж заалдах шатны шүүхийн шүүгч Э.Халиунбаяр, Сонгинохайрхан дүүргийн Иргэний хэргийн анхан шатны шүүхийн ерөнхий шүүгч Б.Цолмонбаатар, Чингэлтэй дүүргийн Иргэний хэргийн анхан шатны шүүхийн ерөнхий шүүгч Б.Сайханцэцэг нар холбогдоод буй.

Шүүхийн урьдчилсан хэлэлцүүлгээр гэм буруугийн шүүх хурлыг хэлэлцэхэд бэлэн эсэхийг "шалгадаг" процесс юм байна.