Шинэ төрлийн коронавирусний халдварын талаар мэргэжлийн байгууллагуудаас мэдээлэл хийлээ.

ДЭМБ-ын мэргэжилтэн О.Ариунтуяа “Өнгөрсөн 24 цагийн байдлаар шинээр 1739 тохиолдол бүртгэгдэгж нийт халдвар авсан хүний тоо 87137 боллоо. Сүүлд Итали улсад зорчсонтой холбогдуулан Чех, Доменикан зэрэг улсад бүртггэдсэн. 38 оронд халдвар гаднаас орж ирсэн тохиолдлуудад гарч байгаа бол 20 орчим улсад халдвар дотроо тархаж байна. Хавьтлын судалгааг цаашид сайн хийх шаардлагатайг анхааруулсан. Халдвар Итали Улсад 50 хувиар нэмэгдэж, 1694-д хүрч, нас баралт наймаар нэмэгдсэн. Иран улс нас баралтаараа БНХАУ-ын дараа орж байна. Манай улс авч хэрэгжүүлж байгаа арга хэмжээгээ ДЭМБ-д 48 цагийн дотор мэдээлсэн. Одоогоор бараа үйлчилгээндээ хязгаарлалт хийсэн улс орон байхгүй байна. Япон улсад найз нөхөд гэр бүлийн хүрээний жижиг голомтууд байна. Энэ дэгдэлтээс сэргийлэх, таслан зогсооход иргэн бүрийн оролцоо чухал байгааг онцолж байна” гэлээ.

ХӨСҮТ-ийн захирал Д.Нямхүү “Энэ сарын 29-нд ХӨСҮТ-д хоёр, Сэлэнгэ аймагт есөн тохиолдлын шинжилгээний хариу сөрөг гарлаа. Мөн энэ сарын 1-нд ХӨСҮТ-д хоёр,  Сэлэнгэ аймагт гурван тохиолдлыг тусгаарлан тандалт судалгаа хийж байна. Энэ сарын 1-нд ажиглалтад найм, Сэлэнгэ аймагт 13 хүнийг ажиглалтад авсан” гэв.

Одоогийн байдлаар нийт 335 хүнийг ажиглалтад аваад байгаа аж.

А.Сүх