БНСУ-аас монгол иргэдийг авчрах Сөүл-Улаанбаатар чиглэлийн онгоц Инчеоны олон улсын нисэх онгоцны буудлаас хөөрчээ. Уг нислэгээр Монгол Улсын 244 иргэн эх орондоо ирэх талаар Гадаад харилцааны сайд Д.Цогтбаатар твиттертээ жиргэжээ. Тусгай үүргийн энэхүү онгоц 16:20 цагийн орчимд Улаанбаатарт буух тооцоололтой байна.

Зорчигчдыг Чингис хаан Олон улсын нисэх буудлын агаарын хөлгийн зогсоолын талбайгаас ХӨСҮТ-рүү шууд тусгаарлах тул нисэх буудал нь угтан авах иргэдэд үйлчлэхгүй болохыг өчигдөр Иргэний нисэхийн ерөнхий газраас анхааруулсан.

МИАТ компанийн тусгай үүргийн онгоц өнөөдөр өглөөний 08:25 цагт Улаанбаатараас хөөрсөн бөгөөд үүгээр 251 зорчигч зорчсон байна.