Эрдэнэт хотын 103 мянган иргэнд 100 тэрбум төгрөгийн нөхөн олговор өгөх ёстой. Учир нь Уулын баяжуулах Эрдэнэт үйлдвэрийн цагаан тоосноос болж Эрдэнэт хотын иргэдийн эрүүл мэнд эрсдэлд орж байна. Тиймээс хотын 30 мянган иргэн нэгдэж, нөхөн олговор өгөх нь зүйтэй гэдгийг Орхон аймгийн иргэдийн төлөөлөл илэрхийлсэн юм.

Тухайлбал, "Эрдэнэтийн цагаан тоос нь нийтдээ 800 мянган га талбайг эзэлдэг. Коронавирус нь уушгины өвчлөлтэй хүмүүст халдах эрсдэл өндөртэй гэсэн. Орхон аймгийн гэр бүлийн хоёр хүн багалзуур улаан хоолой, уушгины хорт хавдар тусчихсан байна. Эрдэнэт үйлдвэрийн зүгээс цагаан тоос дарахаар үе шаттай ажиллаж ирсэн. Харин улстөрчид үүнд огт манлайлж оролцож байгаагүй. Тиймээс бид сонгуулийн өмнө хэлж, мөрийн хөтөлбөрт нь тусгуулах, цаашлаад нөхөн олговрын асуудлыг шийдвэрлүүлэх хүсэлтэй байна" гэсэн юм. 

Мөн "Хэн ч, аль нам ч энэ сэдвийг барьж улс төржиж болно. Гол нь Орхон аймгийн иргэдийн амь нас, эрүүл мэндийн хамгаалж өгөх нь чухал байна. Орхон аймгийн олон иргэн сүрьеэтэй болсон. Олон иргэн астма, харшилтай болсон.
"Ачит эх" компани жилдээ 80 ам.долларын ашиг хийж байна. Цагаан тоос дотор 10 сая ам.долларын үнэ бүхий төмөр бий. Цагаан тоосны талбай дүүрч байна. Үүн дотор молибдимын агууламж 40-50 хувь бий. Үүнийг ашиглах ёстой. 

Тэгвэл нээлттэй тендер зарлаад үр ашгийг нь иргэдэд хуваарлъя л даа. Бидний тооцооллоор сүүлийн 10 жилд хордсон иргэдэд 100 тэрбум төгрөгийн нөхөн олговор олгох ёстой. Яаж олгохоо төр өөрөө мэдэх хэрэгтэй. 

Нөхөн олговор өгөх ёстой гэсэн шаардлагад 30 мянган иргэн гарын үсэг зурсан. 30 хоногийн дотор хариу өгөх ёстой. Бидний шаардлагыг намууд мөрийн хөтөлбөртөө тусгах байх. Жастын Ш.Батхүүгийн өрийг Эрдэнэт үйлдвэрийн мөнгөөр дарсан биз дээ. Тэгвэл эрүүл мэндээрээ хохирсон иргэдэд яагаад нөхөн олговор олгож болохгүй юм бэ. Бидний хүсэлтийг хүлээж авна гэдэгт итгэлтэй байна" гэлээ.

Нөгөөтээгүүр, Эрдэнэт үйлдвэрт Засгийн газраас онц байдал зарлаж, шалгалт хийсэн. Үүний үр дүнг танилцуулах ёстой. 

Японы Засгийн газраас Медипас гээд эмнэлэг барьж өгсөн. Гэтэл үүнийг нь  хувийн компанид өгчихсөн байна" гэлээ.