Шинэ төрлийн коронавирусний халдварын нөхцөл байдлын талаар Эрүүл мэндийн яамнаас мэдээлэл хийлээ.

ЭМЯ-ны Гадаад харилцаа, хамтын ажиллагааны хэлтсийн дарга Б.Янжмаа “Шинэ Зеланд улсад 30 орчмоор нэмэгдсэн байна. Улмаар нэг сарын хугацаанд хөл хорио тогтоолоо. Тус улсын Эрүүл мэндийн сайдын мэдээлснэээр халдварын тоо 10 хоногийн хугацаанд тогтмол өсөх хандлагатай байгаа учраас иргэдийг гэрээсээ гарахгүй байхыг хүссэн байна. Мөн Австрали улсад зайнаас харилцах харилцааг ягштал барьж байна. Энэ нөхцөл байдал хамгийн багадаа зургаан сар үргэжлэх хандлагатай байгаа тул эмнэлгийн бэлэн байдлыг хангах, тоог нэмэгдүүлэхээр ажиллаж байна. АНУ халдварын тархалтын нөхцөл байдлаас шалтгаалан харилцан адилгүй арга хэмжээ хэрэгжүүлж байна. Зарим муж улсуудад эмнэлгийн ачааллыг нэмэгдүүлэхгүй байх, эмнэлгийн мэргэжилтнүүдэд нэн шаардлагатай байгаа хамгаалах хэрэгслийг хэмнэхийн тулд амь насанд халгүй яаралтай биш хагалгааг хойшлуулах арга хэмжээ авч байна" гэлээ.

ЦЕГ “Үүссэн нөхцөл байдалтай холбогдуулан сүүлийн үед цахим гэмт хэрэг их өсөж байна. Албан ёсны эх сурвалжаас мэдээлэл авахгүйгээр цахим сүлжээнд итгэх, шийдвэр гаргах, ойр дотнын хүмүүстээ зөвлөгөө өгөх зэргээр бусдад залилуулж байна. Одоогийн байдлаар хуурамч мэдээ мэдээлэл тараасан 25 хэргийг шалгаж байна. Тухайлбал, иргэн Б Герман улсаас маск оруулж ирнэ гэж иргэн Д-ээс найман сая төгрөг залилж авсан байна. Хуурамч хаяг, интернет худалдаагаар дамжуулан залилуулах асуудал их байна. Ингэхдээ нэр хүндтэй бараа бүтээгдэхүүн, компанийн нэрийг ашиглан залилж байгааг анхаараарай. Ямар нэгэн байдлаар бэлэн мөнгийг бусдын даанс руу урьдчилгаа болгож шилжүүлэхгүй байхыг хүсье. Мөн хөл хорио тогтоооснтой холбогдуулан иргэд гэртээ архидан согтуурах, ахуйн хүрээнд биенийхээ амь нас, биед халдах гэмт хэрэг өсөх хандлагатай байна” гэсэн юм. 

А.Сүх