Өнгөрсөн амралтын өдрүүдэд цахим орчинд тархаж, олны анхаарал татсан нэгэн сэдэв нь “МТ” шатахуун түгээх газрын эзэн Б.Ганзоригийн хүү Г.Содбаяр найз бүсгүйгээ хэвтэрт ортол зодсон гэх мэдээлэл байв. 

Тус мэдээллийг Г.Содбаярын найз бүсгүй, хориогч гэгдэх Ю.Кундыз гэх бүсгүй өөрийн цахим хуудаснаа нийтэлжээ.

Тэрбээр “МТ” группын бага хүү болох Г.Содбаяр нь надад хүнд гэмтэл учруулж, нурууны ясыг маань хүнд гэмтээж, мөн ахар сүүл буюу сүүжний ясны гурван үеийг хугалсан болно. Хүн ийм аймшигтай байж болох уу.

Архи тамхи нь дэндээд, хуулийн байгууллага хаана байна. Би дараагийн тэмцээн болох улсын аваргатаа бэлдэж байсан цаашлаад дэлхийн тэмцээнд явах төлөвлөгөөтэй байсан. Энэ бүхэн үгүй боллоо. Яаж дээ миний дотор багтаж багтаж ядан одоог хүртэл итгэхгүй байна. Би дахиж хуучных шигээ нугарч чадахгүй боллоо шүү дээ. Миний карер, миний амжилт юугаар ч үнэлэшгүй зүйл. Миний дагагч нараа үүнийг бусадтай хуваалцаж өгөөрэй. Мөнгөтэй бол хүний яс хугалсан ч асуудалгүй. Мөнгө төлөөд зүгээр явчих л юм байна. Харин би яах вэ миний амжилт миний ирээдүй хаашаа эргэхийг би мэдэхгүй байна" гэх зүйлийг нийтэлжээ.

Түүний энэхүү мэдээлэл Г.Содбаяр одоогоор албан ёсны тайлбар болон цахим хуудаснаа бичсэн зүйл байхгүй байгаа юм.

Ямартай ч "МТ" группээр ерөнхийлөгчийн хүү Г.Содбаяр гэх залуу модель бүсгүйг хүнд гэмтээсэн гэх мэдээлэл цахим орчинд олон нийтийн дургүйцлийг төрүүлж, "дүрэлзсэн" сэдэв болсоор байна.

Б.Баатар