УИХ-ын гишүүн асан Д.Эрдэнэбат, Б.Болор нарт холбогдох эрүүгийн хэргийн Давж заалдах шатны шүүх хуралдаан болж, шүүх бүрэлдэхүүн дөнгөж сая шийдвэрээ гаргалаа. Эх сурвалжийн мэдээлж буйгаар Д.Эрдэнэбат, Б.Болор нарын ялыг өөрчилж торгохоор болж, суллах шийдвэр гаргасан байна. Харин бусад шүүгдэгчдийн хэргийг прокурорт буцаасан аж.

Ташрамд өгүүлэхэд шүүгдэгч Д.Эрдэнэбат, Б.Болор, Н.Золжаргал, Д.Ганбат Д.Доржханд, Б.Минжбадам, Л.Санжаадорж нарын долоон хүнд холбогдох хэргийг шүүх Анхан шатны шүүх хурал 2020 оны наймдугаар сарын 27-ны өдөр болж, тэднийг “Эрдэнэт үйлдвэр”-ийн 49 хувийг хууль бусаар шилжүүлж, эрх мэдэл, албан тушаалын байдлаа урвуулан ашиглаж, бусдад давуу байдал олгосон гэх үндэслэлээр шүүсэн юм. 

Шүүхээс шүүгдэгч Д.Эрдэнэбат, Б.Болор нарыг гэм буруутайд тооцон, Д.Эрдэнэбатад нийтийн албанд томилогдох эрхийг таван жилийн хугацаагаар хасч, 4,6 жилийн хорих ял, Б.Болорт нийтийн албанд томилогдох эрхийг дөрвөн жилийн хугацаагаар хасч, 3,6 жилийн хорих ялыг тус тус оногдуулсан билээ. 

Б.Баатар