Өнгөрсөн амралтын өдрүүдэд болсон цаг агаарын аюулт болон гамшигт үзэгдлийн улмаас Архангай, Булган, Баянхонгор, Говь-Алтай, Говьсүмбэр, Дундговь, Өвөрхангай, Өмнөговь, Завхан, Увс, Төв, Хөвсгөл, Сүхбаатар, Дорнод аймгийн 51 суманд нийт 586 хүн төөрч, сураггүй болсон гэсэн дуудлага Онцгой байдлын албанд бүртгэгдээд буй. Үүнтэй холбогдуулан аврах багийнхан эрэн хайх ажиллагааг эрчимтэй явуулж байна.

Тэгвэл УИХ-ын гишүүн С.Батболд байгалийн гамшигт байдалд өртсөн тойргийн иргэддээ гүн эмгэнэл илэрхийлж, орон гэргүй болсон, эд материалын хохирол учирсан иргэдэд хоол, хүнс болон бусад бараа материал хандивлажээ. Мөн сураггүй алга болсон иргэдийг эрэн хайх ажиллагаанд зориулж 200 сая төгрөгийн дэмжлэг үзүүлсэн байна.