Орон нутгийн хөгжлийн сангийн санал асуулгад иргэдийн өмнөөс хууль бусаар санал өгч буйг нэн даруй зогсоохыг шаардаж ХҮН-аас мэдээлэл хийлээ.

Орон нутгийн хөгжлийн сангийн санал асуулга улс даяар явагдаж буй. Гэтэл нийслэлийн хэмжээнд хорооны хэсгийн ахлагч нар иргэдэд мэдэгдэлгүй өөрсдийнх нь өмнөөс санал өгч байгаа асуудал үүсчээ. Тус сан нь 2013 оноос иргэдээс санал авч, тэдний оролцоотой бүтээн байгуулалт хийдэг.

Өнгөрсөн хугафаанд 1.1 их наяд төгрөгийг тус санд төвлөрүүлж, 21 аймаг болон бүх дүүрэгт хуваарилжээ.

Энэ онд тус сангаар 221.7 тэрбум төгрөг төсөвлөжээ. Нийслэлд 31 тэрбум тэрбумыг зарцуулна. Гол үүссэн асуудал нь иргэний утсанд код очингуут хэсгийн ахлагчид нь залгаад кодыг нь авч өмнөөс нь санал өгдөг нөхцөл байдал илэрчээ. Орон нутгийн хөгжлийн сангийн санал асуулгад ирэх сарын 1 хүртэл санал авах аж. Нийтэд ил болсон мэдээллээр 100 хувийн ирцтэй санал өгсөн хороод байгаа аж.

Тухайлбал, Сүхбаатар дүүргийн 17, 13 хороо, Багахангай дүүргийн хоёр хороо, Хан-Уул дүүргийн 5, 8 дугаар хороо 100 хувь санал байна гэв. 

А.Сүх