Монголын эмэгтэйчүүдийн холбооноос хүүхдийн эрхийг зөрчихгүй байж, гаргасан шийдвэрээ цуцлах шаардлагыг Монгол Улсын Ерөнхий сайд Л.Оюун-Эрдэнэд хүргүүлжээ.

Тус шаардлагад, Ковид-19 цар тахалтай тэмцэж буй төрийн зарим үйл ажиллагаа нь хүүхэд, эмэгтэйчүүд, зорилтот бүлгийн  амьд явах, эрүүл аюулгүй орчинд амьдрах халдашгүй дархан эрхэд бүдүүлгээр халдаж байна. Иймд Засгийн газар 171 тоот тогтоолоороо татвар төлөгчдийн мөнгөөр "Цахим наадам" тэмдэглэн, баярлах нэрийдлээр вакцинд хамрагдаагүй бага насны хүүхдүүдээр хурдан морь унуулан, тэвчишгүй хөдөлмөр эрхлүүлэх гэж байгааг ээжүүд, эмэгтэйчүүд бид хүлээн зөвшөөрч чадахгүй. Тиймээс гаргасан шийдвэрээ цуцалж, хүүхдийн эрхийг хангахыг Монгол Улсын Засгийн газраас шаардаж байна" гэжээ.

Б.Баатар