Коронавирусний цар тахалтай холбоотойгоор Үндэсний их баяр наадмыг тэмдэглэхгүй байх шийдвэрийг Улсын Онцгой комисс гаргаж, уг асуудлыг яг одоо Засгийн газрын хуралдаанаар хэлэлцэж буй.

Харин олон нийт хийгээд уяачид хоёр тал болж, наадам хийнэ, хийхгүй хэмээн Төв талбай дээр жагсаал зохион байгуулж, эсэргүүцлээ илэрхийлсээр байна. Мөн дээрх асуудалтай холбоотойгоор иргэд цахим сүлжээнд байр сууриа илэрхийлж байгаа бөгөөд түүний нэг нь хуульч, Б.Гүнбилэг.

Тэрбээр энэ талаар "Бөхчүүдийн үндсэн ажил нь наадмаар барилдах. Дэмжигчдээ баясгаж, баярлуулж байж цалинтай байдаг. Түүнээс тэд баярлах гээд байгаа юм биш. Тэднийг сайн барилдуулах гэж ар гэр нь хичээж, тэвчиж ирдэг юм. NoNaadam гээд байгаа хүмүүст хэлэхэд ганцхан та нар ар гэртэй, ажилтай юм биш шүү. 1024 бөх өөрсдөө эрсдэлээ даагаад, PCR-аа өгөөд барилдах, дөрөв, таван мянган хүн Нарантуул зах дээр ажиллах ялгаатай юм уу. Адилхан л ар гэр, ажил төрлөө хийж байна.

Зарим нь зүгээр бухимдлаа наадам гэдэг сэдвээр гаргах юм. Наадмаа үзмээр байна. Бөхөө барилдуулмаар байна. Очиж үзэхгүй ээ. Зурагтаараа үзье. NoNaadam-чид минь барилдахгүй, үзэхгүй байх нь та нарын асуудал. Эрсдэл байгаа юу байгаа. Эрсдэлгүй байлгах арга бол байнаа. 1 бөх 1 хүнтэй барилдаад нийт бөхийн тал нь алга болно. 2ын давааны дараа дахиад тал нь алга болно. Тэнд хоол унд зарахгүй, шууд машиндаа суугаад харьцгаа гэнэ. Одоо наадмын бэлтгэлд гарчихсан угаасаа бөөнөөрөө бэлтгэлээ хийгээд л байж байгаа..

Гэхдээ бас УОК маань зохион байгуулж чадах уу гэдэгт бас итгэхгүй л байна.

Зах ажиллаж л байгаа бол наадмаа үзмээр байна. Хүмүүсийн дархлаа сайжирна. Үзэхгүй ойртохгүй нь хол байна биз. Ковидыг төр барьж чадахгүй. Хувь иргэн мааскаа зүүснээр, вакциндсанаар, ухамсраараа л барина. Наадам энд ямар ч хамаагүй. Нарантуул ч бас" хэмээжээ. 

Б.Баатар