Төр, засгийн алсын хараагүй шийдвэр өнөөдөр ямар эмгэнэлт байдалд хүргэж болохыг сүүлийн хэдэн өдрийн жишээ харууллаа. Эрдэмтэн судлаачдынхаа үгийг сонсч, ЭМЯ-наас өгч буй бодит мэдээлэл, Эрсдэлийн үнэлгээнд тулгуурлан эртлэн шийдвэрээ гаргах ёстой атал Наадам тэмдэглэнэ хэмээн нийгмийг бухимдуулж, эцэстээ цахимаар тэмдэглэхээр болж, харин одоо иргэд, эмч нар, уяачдын эсэргүүцэлтэй тулж, наадмыг тэмдэглэнэ, тэмдэглэхгүй гэсэн хайчин дунд ороод байна.

Суулт, жагсаал, эцэстээ эсэргүүцлийн хөдөлгөөн өрнүүлнэ гэх олон янзын дайралт, сүрдүүлэгт хүрч байж албан хүчээр эцсийн шийдвэрээ гаргахаар болж байна. Үүнд, хаа холоос морьдоо уралдуулахаар ирсэн уяачийн буруу байхгүй. Хэдэн сарын өмнөөс бэлтгэлдээ гарсан бөхчүүд, харваачдын ч буруу байхгүй. Харин төр, засгийн ирээдүйгээ хараагүй, эрсдэлээ тооцоогүй, алсын хараагүй бодлогынх нь золиос харин тэд болж байна.Төр төмөр нүүрээ харуулж "НОнаадам" гэсэн бол ийнхүү олон хүний хөлс хөдөлмөр, цаг зав, хөрөнгө мөнгийг үрэхгүй, Монголын ард түмэн ч ойлгох байлаа.

У.Тэргэл