Авлигатай тэмцэх газраас тус газрын дэд даргын албан тушаалд Гаваасүрэнгийн Азжаргалыг томилуулах саналыг Улсын их хуралд ирүүлсэн бөгөөд нэр дэвшигчийн томилгооны сонсгол яг одоо болж байна. Энэ үеэр УИХ-ын гишүүн Б.Энхбаяр арав гаруй асуултад хариулт авахаа мэдэгдсэн бөгөөд асуултад нэр дэвшигч Г.Азжаргал хариулт өгч буй юм.

УИХ-ын гишүүн Б.Энхбаяр: УИХ-ын гишүүний утсан харилцааг прокурорын зөвшөөрөлгүй тагнаж байсан явдал Г.Азжаргал танд өмнө байгаа юу. Ийм асуудал яригдаж, нотлогдвол та хуулийн хариуцлага хүлээхэд бэлэн үү. Гуравт, Улс төрийн намуудын авлигатай тэмцэх асуудал чухал. Энэ хүрээнд авлигыг бууруулах, урьдчилан сэргийлэх чиглэлд ямар арга хэмжээ авах нь зүйтэй гэж үзэж байгаа вэ?

Нэр дэвшигч Г.Азжаргал: Тусгай хяналтын прокурорын зөвшөөрөлгүй хууль зөрчиж, УИХ-ын гишүүн байтугай иргэний нэг ч удаа утсан харилцааг хянах үйл ажиллагаа явуулж байгаагүй. Тийм явдал байдаг бол ажлаа өгөхөд бэлэн байна.  Улс төрийн намын санхүүжилтийн тухай хуулийг ил болгоё гээд байгаа. Уул урухай, банк санхүүгийн байгууллага хандив өгдөг. Үүнийхээ төлөө буцаагаад ямар нэгэн хуулийг санаачлуулдаг ийм эрсдэл үүсдэг. Хэнээс хэдийг авч яаж зарцуулсныг ил болговол маш үр дүнтэй гэж бодож байна.

У.Тэргэл