Наадмын амралтын эл өдрүүдэд МАН дахь улс төр “амарсангүй”. Амралтын урт өдрүүдээр амжуулж фракц, фракцаараа буйдхан уулзацгааж намрын улс төрөө ярилцаж өнгөрүүлж байх шиг байна. М.Энхболдыг УИХ-ын даргын албаа өгснөөс хойш нам гүмхэн байсан МАН дахь 32-ын буюу “Жаран тэрбум”-ын фракцынхны гол төлөөлөгчид Хөвсгөлд очиж амарцгаажээ.

Тухайлбал, МАН-ын дарга асан М.Энхболд, УИХ-ын гишүүн асан Н.Номтойбаяр, УИХ-ын гишүүн асан, “Эрдэнэс Монгол” компанийн захирал Д.Хаянхярваа нарын хүмүүс Хөвсгөлд амарсан нь улс төрийн бас нэгэн сонирхол татахуйц өнцөг болон харагдаж байна.

Учир нь, М.Энхболд даргын фракцыг одоо бол МАН доторхи “сөрөг хүчин” хэмээдэг билээ. МАН доторхи улс төрийн эхлэл нь аль нэг амралтын газар тавигддаг түүх бий учир энэ уулзалтын учиг юу байх нь сонирхолтой сэдэв болж харагдаж байгаа юм.

С.Сүлд