Үндэсний их баяр наадмын нээлтийн тоглолтын талаарх элдэв мэдээлэл хэд хоног цахим сүлжээнд олны амны "бай" болсон. "Би монгол хүн" тоглолтын талаар сайн, муу олон мэдээлэл шүүмжлэл хөвөрсөн ч найруулагч Херо Б.Баатар тайлбар мэдээлэл хийхгүй хэд хоног нам гүм байсан. Харин хоёр хоногийн өмнө тэрбээр "Нэгэн авьяаслаг найруулагч намайг Монгол банхар шиг гэсэн байсан. Тиймээс ганц хоёр боргое доо" хэмээгээд тоглолтын талаар тайлбар хийсэн юм. 

Ийнхүү Херо Б.Баатар найруулагчийг "шургаж", тайлбар хийхэд хүргэсэн авьяаслаг найруулагч хэн байв.

Херо Б.Баатар найруулагчийг тайлбар хийхээс өмнө "Фантастик" продакшны захирал, найруулагч, жүжигчин Б.Тамир "Барьж идэхнээ..."Би Монгол хүн" контент наадмаар үзсэн надад таалагдсан. Өмнөх жилийнх шинэлэг байсан харин энэ жил адилхан болсон болохоор их унтуутай байгаа байх ... Гэхдээ л үзэх юмтай байсан. Үзэгчид шүүмжилж үзэл бодлоо илэрхийлж болноо болно... Харин энэ тогоонд чанагдаж байгаа уран бүтээлчид минь бас хажуугаар нь ноцож шаагилдаж орж ирэх юм. Адилхан уран бүтээлчид зөндөө л асуудал болж нэг уран бүтээлийн ард гардаг бүгд л мэдэж байгаа. Хийнэ хийхгүй гээд бөөн юм болж хамт хийнэ гээд байсан нь хаяад л зөндөө л асуудлууд байгаа харагдсан.

Ямарваа нэгэн юмыг хоёр талаас нь хараасай гэж хүсэж байна... Харин ч Монгол банхар шиг банхайгаад л чимээгүй сууж байх юм херо ... Хийсэн нь буруутдаг болж дээ, Сүүлдээ уран бүтээлчид хүн биш болсон бололтой үзэл бодлоо илэрхийлж ч болохоо байсан өөрт нь таалагдахгүй бол новш гавно үгийн мууг цацана... Эмэгтэй уран бүтээлчийг бас баалаад л байсан хараалын үгээр булна.

Бүгд хаа хаанаа соёлтой байцгаа !!! Би биш Бид Монгол хүмүүс шүүдээ!!! Өөрөө уран бүтээлч юм болохоор өмөөрмөөр байсан юмаа.Ингэж бичлээ гээд цаддаг бол барьж идээрэй. /жаахан утага авцалдаагүй бичсэн бол уучлаарай/" хэмээсэн байсан юм. 

Б.Баатар