Л.Оюун-Эрдэнийн танхимаас байнгын хэл ам, шүүмжлэл дагуулж байдаг Соёлын сайд  Ч.Номин Авлигатай тэмцэх газарт хуулийн хугацаанд хөрөнгө, орлого мэдүүлээгүй  нь ихээхэн анхаарал татаж байна. Тодруулбал, 

Жил бүрийн хоёрдугаар сарын 15-ны дотор хуулийн үйлчлэлд хамаарах төрийн өндөр дээд албан тушаалтнууд хувийн ашиг сонирхлын болон хөрөнгө, орлогын мэдүүлгээ шинэчлэн гаргах үүрэгтэй байдаг. 

Түүний хэнэггүй зан нөлөөлөв үү, хөрөнгөө нуун далдлах санаа агуулав уу эс бөгөөс мэдэхгүйгээсээ төөрч, будилав уу гэх хардлага нийгэмд гэрлийн хурдаар түгсэн.   АТГ-аас Мэдүүлэг гаргагчдад зориулсан гарын авлагыг хүртэл гаргаад байхад шүү гэх шүүмжлэл ч гарсан юм.  Харин учрыг тодруулбал, шинэ тутам байгуулсан яамны сайдын хөрөнгө, орлогоо мэдүүлэх хугацаа 2022 оны долоодугаар сараас хэрэгжиж эхлэх юм байна. 

Гэхдээ Төрийн өндөр албан тушаалтан хөрөнгө, орлогоо хуулийн хугацаанд бүртгүүлээгүй тохиолдолд яах вэ. Энэ талаар АТГ-ын Хяналт шалгалт, дүн шинжилгээний албаны дарга, ахлах комиссар Ц.Цэцэгдэлгэрэх ийн хариулжээ.

-Хөрөнгө, орлогын мэдүүлгээ хоцорч өгөх эсвэл огт мэдүүлээгүй тохиолдолд ямар хариуцлага тооцдог вэ?

-Авлигын эсрэг хууль, сонирхлын зөрчлийн хуульд зааснаар хөрөнгө, орлогын мэдүүлгээ хуулийн хугацаанд гаргаагүй, гаргахаас татгалзсан тохиолдолд нийтийн албанаас хална гэх хуулийн заалт бий. Хөрөнгө, орлогын мэдүүлгээ хожимдуулж гаргасан, хүндэтгэх шалтгаантайгаар хоцорсон бол сануулах,  эсвэл сахилгын шийтгэл ногдуулна. Харин санаатайгаар мэдүүлэхээс татгалзсан тохиолдолд албан тушаалаас нь огцруулах, эгүүлэн татах үндэслэл болно” гэжээ.

У.Тэргэл