Авлигатай тэмцэх газраас төрийн өндөр дээд албан тушаалтнуудын 2020 оны ашиг сонирхол, хөрөнгө, орлогын мэдүүлгийг нийтэд ил болгосон билээ.

Үүнд хамрагдах учиртай зарим эрхмүүд хойрго хандаж буй нь цаанаа учир жанцантай. Тухайлбал, Соёлын сайд Ч.Номингийн хувьд ажилд томилогдсон цаг хугацааныхаа дагуу 2022 онд хөрөнгө, орлогоо мэдүүлэх бол зарим эрхмүүд хуулийг үл тоон мэдүүлгээ огт өгөөгүй байна.

Тухайлбал, УИХ-ын дэд дарга С.Одонтуяа, УИХ-ын гишүүн Ц.Туваан, УИХ-ын дэд дарга Т.Аюурсайхан нар Авлигатай тэмцэх газарт хуулийн хугацаандаа хөрөнгө, орлогоо мэдүүлээгүй байна. Мөн Ж.Эрдэнэбат гишүүн мэдүүлээгүй нь тэрбээр хожмоо бүрэн эрхээ баталгаажуулсантай холбоотой юм.

Авлигын эсрэг хууль, сонирхлын зөрчлийн хуульд зааснаар хөрөнгө, орлогын мэдүүлгээ хуулийн хугацаанд гаргаагүй, гаргахаас татгалзсан тохиолдолд нийтийн албанаас хална гэх хуулийн заалт бий. Мөн хөрөнгө, орлогын мэдүүлгээ хожимдуулж гаргасан, хүндэтгэх шалтгаантайгаар хоцорсон бол сануулах, эсвэл сахилгын шийтгэл ногдуулна. Харин санаатайгаар мэдүүлэхээс татгалзсан тохиолдолд албан тушаалаас нь огцруулах, эгүүлэн татах үндэслэл болно” хэмээн заажээ

Харин ашиг сонирхол, хөрөнгө, орлогоо хуулийн хугацаанд нь санаатайгаар мэдүүлээгүй УИХ-ын гишүүн С.Одонтуяа, Ц.Туваан, Т.Аюурсайхан нарт ямар хариуцлага тооцох вэ.

Хууль, тогтоомжийг боловсруулагчид тэр дундаа УИХ-ын дэд дарга эрхмүүд ийн үлгэрлэж буйд хариуцлагын асуудлыг ярих учиртай юм. Авлигын эсрэг хуульд заасны дагуу энэ нь тэднийг эгүүлэн татах үндэслэл болох уу. Үүнд, холбогдох албаныхнаас тодорхой хариулт нэхмээр байна.

У.Тэргэл